Автоматлаштириш тизими элементларини эксплуатация жараёнида ишончлиликка синаш Режа; Ишончлиликка синашнинг мақсад­и

Автоматлаштириш тизими элементларини эксплуатация жараёнида ишончлиликка синаш

Режа;

1. Ишончлиликка синашнинг мақсад­и

2. 
   Ишончлиликка синашнинг турлари
   
3. 
   Ишончлиликка синаш объекти
   
4. 
   Ишончлиликка синашда баҳоланадиган характеристикалар
   
5. 
   Ишончлиликка синаш усуллари
   
6. 
   Тажрибавий ва сериявий намуналарни синаш
   
7. 
   Ишончлиликка синаш режалари
   
8. 
   Кузатувга қўйиладиган буюмлар сонини аниқлаш усуллари
   

Ишончлиликка синашнинг мақсад­и – буюмнинг ишончлилик даражасини аниқлаш ва унинг сон қийматларини баҳолашдир. Буюмнинг ишончлилик даражасини билиш кўп масалаларни хал қилишга, яъни белгиланган ишончлилик характеристикаларини тасдиқлаш, уларни ошириш тадбирларини ишлаб чиқиш, унга техник хизмат кўрсатиш оқилона тизимини қўллаш, буюм самарадорлиги ва кейинги эксплуатациясининг мақсадга мувофиқлиги, заиф томонларини аниқлаш, ҳисоб-китоб, башорат (прогноз)ларни ҳамда унинг яратилиш технологик жараёнлари сифатини текширишга имкон беради.

Синов натижалари ёрдамида қуйидаги характеристикалардан бирини олиш мумкин:
1. Буюмнинг бузилишгача бўлган хизмат муддати (юрилган йўли)нинг тақсимланиш қонуни. Бу характеристика тўлиқ ҳисобланиб, асосий ишончлилик кўрсаткичларини, жумладан, берилган вақт давомида бузилмасдан ишлаш эҳтимоллигини аниқлаш имконини беради. Лекин бу иш катта статистик материал ва харажатлар талаб қилади. Тақсимланиш қонунини фақат содда буюмлар учун кам сарф-харажатлар билан олиш мумкин.
2. Буюмнинг бузилишсиз ишлаш эҳтимоллиги берилган вақт учун аниқланади, лекин бузилмаслик характеристикаси буюмнинг кўпроқ ишлаш даври учун номаълум бўлиши мумкин. Бундай чегараланган маълумот бўйича ҳам буюмнинг ишончлилик даражаси тў\рисида хулоса чиқариш мумкин.
3. Синовларнинг мураккаблиги ва узоқ чўзилиши буюмнинг вақт бўйича чиқиш параметрлари ўзгаришига баҳо бериш имкониятидан маҳрум қилади. У ҳолда ҳар бир параметр бўйича “ишончлилик захираси” кўрсаткич бўлиб хизмат қилади. Башорат усулларини қўллаган ҳолда синашларнинг бу натижаларидан буюмнинг ишончлилик даражасини аниқлашда фойдаланилади.
4. Масаланинг мураккаблиги туфайли кўп ҳолларда буюмнинг ишончлилик даражасини абсолют миқдорларда аниқлаш мумкин бўлмай қолади, бу холда уни фақат ўзига ўхшаган буюмнинг кўрсаткичи билан нисбий таққослашга тў\ри келади. Натижада синашлар, бузилмасдан ишлашлик ёки чидамлилик неча марта ўсди, деган саволга жавоб бериб, чидамлиликнинг ҳақиқий даражаси тў\рисидаги масала хал бўлмайди. Юқори ишончли буюмлар учун синашларнинг усул ва ҳажмларини аниқлашда фақат вақт омили асосий мезон бўлиб хизмат қилади.