Автоматика асослари ва микропроцессор техникаси

Операндларни адреслаш 
Процессор командаларининг катта қисми маълумотлар кодлари (операндлар) 
билан ишлайди. Айрим командалар кирувчи операндларни (бир ѐки иккита) талаб 
қилса, бошқалари эса чиқувчи операндларни (асосан битта) беради. Кирувчи 
операндларни бошқача қилиб манба операндлар, чиқувчиларини эса қабул қилувчи 
операндлар деб ҳам аташ мумкин (1-жадвал). Операндлар кодларининг барчачи 

---

 
53 
қаердадир жойлашиши керак. Уларни процессорларнинг ички регистрларигада 
жойлаштириш мумкин (энг қулай ва тезкор вариант). Уларни хотира тизимида ҳам 
жойлаштириш мумкин (энг кўп тарқалган вариант), ѐки уларни киритиш-чиқариш 
қурилмаларида жойлаштириш мумкин (энг кам учрайдиган ҳолат). Операндларнинг 
жойлашишини аниқлаш команда коди орқали амалга оширилади. Команда кодлари 
томонидан кирувчи операндни қаердан олиш, чиқувчи операндларни қаерга 
жойлаштиришда фойдаланиладиган бир қатор усуллар мавжуд. Бу усулларга 
адреслаш усуллари дейилади. Танланган адреслаш усулларининг самарадорлиги 
процессор ишининг самарадорлигини белгилаб беради. 
 
Адреслаш турлари 
Турли хилдаги процессорларда адреслаш турлича бўлиб улар 4 тадан 16 тагача 
бўлиши мумкин. Қуйида ҳозирги кунда аксарият микропроцессорларда 
қўлланиладиган адреслаш усулларининг бир нечтасига тўхталиб ўтамиз. 
Бевосита адреслаш. (6-расм) Бунда операнд (кирувчи) бевосита команда 
кодидан кейин хотирада жойлаштирилади. Одатда операнд доимий (константа) 
шаклида бўлиб уни бирор жойга жўнатиш мумкин, бирор нарсага қўшиш мумкин ва 
ҳоказо. Масалан команда қуйидагича бўлиши мумкин: 6 сонини процессор ички 
регистрида мавжуд бирор бир элементга қўшилсин. Бу сон мавжуд қўшиш 
командасидан кейин жойлашган дастурдаги адрес ичидаги хотирада жойлашган 
бўлади.
6-расм. Бевосита адреслаш