Atrof olam bilan tanishtirish Oylik mavzu: O’zbekiston – mening Vatanim! Guruh: O’rta Hafta mavzusi: Men va bolalar bog’chasi Davr: sentyabr oyining 1-haftasi Mavzu: Men va bolalar bog’chasi Maqsad

Mashg‘ulotning jixozi: Undirilgan bug‘doy, rasmlar , tarqatma materiallar


Fan va tabiat markazida faoliyatning borishi: Salomlashish bolalarni mashg‘ulotga tayyorlab olish. Tarbiyachi qo‘lidagi undirilgan bug‘doyni bolalarga ko‘rsatish orqali mashg‘ulotni boshlaydi.
Tarbiyachi:
Ko‘klam keldi quyosh ham
Tog‘ ortidan mo‘ralar.
Nurlarin taram-taram,
Qilib qirga o‘rmalar.


Boladek sho‘x irmoqlar,
Tog‘-u toshdan oshadi.
Gul ochadi chechaklar,
YUrtga bahor shoshadi…….
Tarbiyachi: Qani bolalar aytinglarchi qo‘limdagi nima ?
Bola: undirilgan bug‘doy
Tarbiyachi: Undirilgan bug‘doydan bolalar buvijonlarimiz qanday taom pishiradilar ?
Bolalar: Sumalak
Tarbiyachi: Judayam to‘g‘ri sumalakni qaysi faslda pishiramiz bolajonlar ?
Bolalar: Bahorda
Tarbiyachi: Judayam to‘g‘ri bolajonlar, bahor faslida biz qanday bayramlarni tishonlaymiz ?
Bolalar : 8-mart, Navro‘z bayrami
Tarbiyachi: Judayam to‘g‘ri biz yaqinda 8-mart Onajonlar bayramini nishonladik endi esa Navro‘z bayramini nishonlaymiz. Bugun sizlar bilan Navro‘z bayrami to‘g‘risida suhbatlashamiz bolalar bilasizmi biz nima ushun aynan Navro‘z bayramini Bahor faslida nishonlaymiz ? chunki bu faslda go‘zal maftunkor va latofatli bo‘ladi Navro‘zda tabiat uyg‘onadi. Birinchi bo‘lib chuchmoma boychechak ochiladi. Onalarimiz sumalak pishiradilar. YAlpiz jag‘-jag‘ ismaloq kabi ko‘katlardan terib ko‘k somsalar pishiradilar ko‘chatlar ekilib hovli joylar supuriladi. Bayramda bolalar turli milliy o‘yinlarimizni o‘ynaydilar bulardan oq terakmi ko‘k terak, dura tashlayman, arqon tortish va boshqalar bayramda kattayu kichik hamma o‘ynab kuladi. Mana bolalar Navro‘z bayrami to‘g‘risida anchagina bilimlarga ega bo‘ldik. Endi sizlarga topishmoq aytaman qani kim topadi.
Taomiman Navro‘zning
Umidiman risq-ro‘zning
Doshqozonda pishaman
Goh ko‘pirib toshaman
Ijobat bo‘lar tilak
Pishirsa kim-...
Bolalar: Sumalak
Tarbiyachi: Judayam to‘g‘ri bolajonlar. Kelinglar hozir birgalikda guruhlarga bo‘linib bellashuv o‘tkazamiz.
Tarbiyachi bolalarni uch guruhga bo‘ladi. Guruhlarni nomlaydi.
1-guruh “Qaldirg‘och”
2-guruh “Qo‘ziqorin”
3-guruh “Varrak” .
Tarbiyachi: bolalar 1-shartimiz she’r aytish
Uchala guruhdan bittadan bolalar chiqadi.
Tarbiyachi: Qani bolalar Bahor va Navro‘z to‘g‘risida she’rlar bilamizmi ?