Atrof olam bilan tanishtirish Oylik mavzu: O’zbekiston – mening Vatanim! Guruh: O’rta Hafta mavzusi: Men va bolalar bog’chasi Davr: sentyabr oyining 1-haftasi Mavzu: Men va bolalar bog’chasi Maqsad

Atrof olam bilan tanishtirish
Oylik mavzu: O’zbekiston – mening Vatanim!
Guruh: O’rta
Hafta mavzusi: Men va bolalar bog’chasi
Davr: sentyabr oyining 1-haftasi
Mavzu: Men va bolalar bog’chasi
Maqsad:
Bollarni o’zi yashab turgan vatani, mahallasi, ko’chasi va bog’chasi haqida gapirib berishga o’rgatish,bollarni vatanni sevish uni ardoqlash, bogchani sevish uni qadriga yetish ruhida tarbiyalash. Bolalar nutqini rivojlantirish , so’z boyligini boyitish orqali “men” konsepsiyasini shakllantirish.
Kerakli jihozlar: Mavzuga oid ko’rgazmali qo’rollar, proektor, slayd, tarqatma materiallar, kompyuter.
Fan va tabiat markazi. (markazga bolalar uchun doira shaklida stullar qo’yilib atrofiga bolalar o’tkaziladi. Stol ustida mavzuga oid rasmlar teskari qilib qo’yilgan)

Assalomu alaykum, bilmga chanqoq bolajonlar. Qaranglar, markazimizda dumaloq stol paydo bo’libdi. Qani bolajonlar, dumaloq stol atrofiga kim birinchi kelib o’tiradi? Bolalar stol atrofiga o’tiradilar.

Tarbiyachi: Bolalar stol atrofida turli xil rasmlar bor ekan-а? Bugun Sizlar bilan biz sevimli bo’lgan bog’chamiz haqida suhbatlashamiz.
Tarbiyachi: Qani bolalar, sizlar bilan “Nomimni topchi dono” o’yinini o’ynaymiz. Buning uchun sizlari stol ustidagi teskari qilingan rasmni qo’lingizga olasiz va hech kimga ko’rsatmaysiz. Men she’riy topishmoq aytaman, kimning qo;lidagi rasm topishmoqqa javob bo’lsa uni hammaga ko’rsatib “BU MENMAN” deydi va rasmni magnit doskaga yopishtiradi. O’yinimiz sharti barchangizga tushunarlimi?
Bolalar:
Ha , tushunarli.
Tarbiyachi:
Barakalla, unday bo’lsa boshladik.

1-topishmoq

Bolalarning quvonchi
Shodligiga makon joy
Biz quvnaymiz, o’ynaymiz
Siz bilasiz hoynahoy
Bu yerda o’yinchoqlar
Turli-tuman, xilma-xil
Sayrlarga chiqamiz
Do’stim bizga xavas qil.

1-bola:
Bu- MENMAN. (Bog’cha tasviri tushirilgan rasmni ko’tarib)

2-topishmoq

Unda bor turli gullar
Bir-biridan ajoyib
Ko’rib dillar yayraydi
Atrof olam g’aroyib

2-bola :
BU MENMAN (gulzor rasmini ko’raib)

3-topishmoq

U bo’lmasa kiyimlar
Hech joyida turmaydi
Topibko’rchi sen do’stim
U joyidan jilmaydi

3-bola
BU MENMAN. (kiyim shkafi rasmini ko’tarib)

4-topishmoq

Kitoblarga kondirman
Border turli ertaklar
Shuni biling ertaklar
Yaxshilikka yetaklar

4-bola
BU MENMAN (kitob javoni rasmini ko’tarib)

5-topishmoq

Ular bizga ovunchoq
Mazza qilib o’ynaymiz
Negadir biz ularga
Sira-sira to’ymaymiz
5-bola
BU MENMAN (o’yinchoqlar rasmini ko’rsatib)

6-topishmoq

Tushlikdan so’ng u tomon
Biz doimo boramiz
Yaxshi ertak bo’lsachi
Darrov uxlab qolamiz

6-bola
BU MENMAN (yotoq divani rasmini ko’rsatib)

7-topishmoq

Oshpaz xolam qo’llari
Biram shirin, mazali
Ularga dastyor doim
Shunday deydilar oyim

7-bola
BU MENMAN (idish tovoqlar rasmini ko’tarib)

Tarbiyachi:

Barakalla, bilimdonlar! Barcha topishmoqlarga to’g’ri javob berdingiz. Endi bularni barchasiga yaxshilab nazar solsak ular bizning atrofimizdagi , bizning bog’chamizdagi narsalar ekan, tog’rimi?
Bolalar:
Ha, albatta.
Tarbiyachi: Juda yaxshi bolajonlar. Bollar, hozir o’lkamizda qaysi fasl?
Bolalar: Kuz fasli.
Tarbiyachi: Kuz faslida tabiatda qanday o’zgarishlar bo’ladi?
Bolalar:Barglar sariq tusga kiradi,yomg’ir yog’adi, kunlar sovuq bo’ladi, biz issiq kiyimlarimizni kiyamiz, uy va bog’chalarimiz isitish pechlarida isitiladi
Tarbiyachi: Mana sizlar bilan bir oz savol javob ham o’tkazib ooldik Biz nimalarni bilib oldik­­­.
Bolalar:Kuz faslidagi o’zgarishlarni.
Tarbiyachi: Barakalla, yaxshi bola qanday fazilatlarga ega bo’lar ekan.?
Bolalar:
1-bola. Odobli bo’ladi, kattalarga salom beradi.
2-bola. O’rtoqlaridan narsalarni qizg’anmaydi.
3-bola. Qushlarga ozor bermaydi.
4- bola. Ozoda kiyinadi.
5-bola. Mehnatsevar bo’ladi
Tarbiyachi: Barakalla bolalar. Insonlarning yaxshi bo’lishi uning odob ahloqiga bog’liq. Odobli aqlli insonlargina yaxshilik qila oladi. Kelinglar bu fazilatlarni qo’shiq qilib kuylab ko’ramiz. Qo’shiq ketadi