Атамалар рўйхати Автоматик назорат

Шнур – уй рўзғор электр асбоблари ва қурилмаларини электр тармоғига улаш учун хизмат қилувчи изоляцияланган эгилувчан сим.
Штеккер – электр асбоблар, алоқа кабеллари ва бошқаларни манбага тез улаш ва узиш учун қўлланиладиган қисмларга ажралувчи бир қутбли қурилма.
Шунт- ўзгармас ток занжирларида амперметрнинг ўлчаш чегарасини кенгайтириш учун қўлланиладиган элемент. Шунт амперметрга параллел уланади.
Шунтлаш коэффициенти – ўлчанадиган максимал ток амперметрнинг номинал токидан неча марта катталигини кўрсатувчи катталик Ш.к . дейилади ρ_Iхарфи билан белгиланади.
Шчит – электр ўлчаш ва назорат қилиш асбоблари ўрнатилган махсус пўлат тахтача.
Электр занжири тармоғи – исталган вақтда бир хил миқдорда ток ўтадиган занжир қисми. У кетма-кет уланган бир нечта элементларни ўз ичига олиши мумкин.
Электр генератори – механик энергияни электр энергиясига айлантирувчи машина.
Электр двигател - электр энергиясини механик энергияга айлантирувчи машина.
Электр занжир схемаси – электр занжир қисмларининг уланиш кетма-кетлигини кўрсатувчи ва бу занжирнинг хусусиятларини акс эттирувчи гарфик тасвир.
Электр занжири – электр энергияси манбаи, электр истеъмолчилари ва уларни бирлаштирувчи симлардан тузилган занжир.
Электр изоляция – электр симларининг бошқа ток ўтказувчи қисмларига тегиб кетиш хавфидан сақлаш мақсадида уларни ажратиб қўйиш учун қўлланиладиган материал.
Электр импульси – электр токи кучи ёки кучланишининг қисқа муддатли ўзгариши.
Электр қаршилик – ўтказгич ёки электр занжирининг электр токига тескари таъсирини ифодаловчи физик катталик. Бирлиги Ом.
Электр конденсатор – бир-биридан диэлектрик билан ажратилган иккита ва ундан ортиқ электроддан тузилган қурилма.
Электр кучланиши – майдоннинг икки А ва В нуқталари орасида бирор q заряднинг кўчиши вақтида бажарилган ишнинг шу кўчган зарядга нисбати билан аниқланади. Ёки А ва В нуқталар орасидаги потенциаллар айирмаси электр кучланиш дейилади. Бирлиги Вольт.
Электр линияси - электр станцияларидан электр энергияси истеъмолчиларга симлар системаси орқали узатилганда , симлар системаси тармоқларга бўлинмаганган бўлса, у электр линия дейилади.
Электр майдон – электромагнит майдон электрларган ҳаракатсиз жисмлар ва зарраларга куч билан таъсир қилса, у ҳолда бундай электромагнит майдон электр майдон ҳисобланади. Умуман электр заряди бўлган ҳар қандай ўтказгич атрофида электр майдон ҳосил бўлади.