Атамалар рўйхати Автоматик назорат

Қаршиликлар магазини – алоҳида қарилик ғалтаклари тўпламидан иборат бўлиб, улар юқори Омли (10 Ом-1000ГОм) паст Омли (0,03-10 Ом) ўзгармас ва ўзгарувчан ток (50 Гц-70 Гц) учун мўлжалланган бўлади.
Қаршиликларни параллел улаш – электр занжирининг икки нуқтасига параллел шохобчалардан ташкил топган тармоқланиш ҳосил қилувчи бир нечта қаршилик уланган бўлса, бундай улаш қаршиликларни параллел улаш.
Каскад – электр машиналар ва ҳар хил қурилмаларнинг кетма-кет жойлашган, бир хил тузилишга эга бўлган гурухи.
Каскад генератор – ўзгармас юқори кучланиш манбаи. Тўғриланган кучланишни кўпайтирадиган бир неча тўғрилагич ва конденсаторлардан иборат.
Катод – 1)- электр-вакуумли асбоб ёки газразрядли ионли асбобнинг электроди; электронлар манбаи вазифасини ўтайди. 2)- ток манбаи (аккумулятор ва б) нинг манфий зарядланган электроди. 3)- электролитли ванна, электр ёйнинг электроди. Катодни 1834 йил Фарадей таклиф қилган.
Кенотрон – частотаси 50 Гц ёки ундан юқори бўлган ўзгарувчан токни ўгармас токка айлантирувчи икки электродли лампа.
Кетма-кет улаш – агар бир нечта истеъмолчи ёки қаршилик тармоқланмасдан бирин кетин уланган бўлса ва улар орқали бир хил қийматли ток ўтса кетма-кет уланиш дейилади.
Кибернетика – турли механик, электр, электрон, физиологик ва бошқа жараёнларни автоматик равишда бошқариш ва назорат қилишнинг математик усулларга асосланган умумий назарияси.
Кинескоп – телевизион сигналларни қабул қилиб, кўринадиган тасвирга айлантириб берадиган телевизион трубка.
Қисқа туташтирилган роторли асинхрон мотор – ротор ўзагининг ариқчаларига изоляцияланмаган мис ёки алюминий ўзаклар жойлаштирилиб, уларнинг боши ва охири мис халқага бириктирилса қисқа туташтирилган чўлғам ҳосил бўлади. Бундай чўлғамли ротор қ.т ротор дейилади.
Қисқа туташув кучланиши – бу шундай кучланишки, трансформаторнинг бирламчи чўлғамига шу кучланиш берилганда, иккиламчи чўлғами қисқа туташган бўлса, бирламчи ва иккиламчи чўлғамдан ўтаётган ток номинал миқдорига тенг бўлади. У одатда номинал кучланишнинг 5-12% ини ташкил қилади.