Асримиз ахборот асри деб атала бошланди ва жуда тез ривожланаётган ахборот коммуникация технологиялари ҳаётимизнинг ҳар бир жабҳасига кириб келмоқди ва у ҳаётимизнинг сезиларли ўзгаришларига сабаб бўлмоқда

КИРИШ

Асримиз ахборот асри деб атала бошланди ва жуда тез ривожланаётган ахборот коммуникация технологиялари ҳаётимизнинг ҳар бир жабҳасига кириб келмоқди ва у ҳаётимизнинг сезиларли ўзгаришларига сабаб бўлмоқда. Ахборот асрида дунёни ҳаракатлантирувчи асосий куч ахборот экани ҳеч кимга сир эмас. Ахборот - телекоммуникация технологиялари ва илм-фаннинг ривожланишига бўлган эътибор давлатимизнинг мустақилликка эришган дақиқалардан бошлаб кучая бошлади. Ўзбекистон Республикасининг «Ахборотлаштириш тўғрисида»ги қонунига асосан [1], давлат сиёсатининг ахборотлаштириш соҳасидаги вазифаси ахборот бозорида маҳсулотларни, хизматларни ва ахборот технологияларни тартибга солиш, дастурий махсулот ишлаб чиқаришни рағбатлантириш, мутахасислик бўйича кадрлар таёрлаш ва уларнинг сифатини ошириш ва албатта илмий изланишга бўлган талабларни рағбатлантириш кабилардан иборат эди. Демак шундай екан, ахборот давлатларнинг, муассасаларнинг ва ҳар бир инсоннинг муҳим ресурсига айланди.

Ўзбекистон Республикаси Президентининг “Замонавий ахборот-коммуникация технологияларини янада кенгроқ жорий қилиш ва ривожлантириш чора-тадбирлари тўғрисида”ги қарорида [2] замонавий ахборот технологияларидан фойдаланиш, компъютер техникаси ва телекомуникация воситаларини иқтисодий ҳамда хаётий оммага тадбиғ этиш норматив хужжатлари белгилаб берилди. Хозирда ахборотлаштириш сохасидаги давлатимиз сиёсати миллий ахборот тизимини яратишда компъютер технологияси ривожланиш тенденсясининг хозирги замонавий ҳолатини хисобга олган ҳолда ахборот технологиясини ва тизимини ташкил этиши лозим.
Ўзбекистон Республикаси Вазирлар Маҳкамасининг 2012 йил 19 декабрдаги “Ахборот-коммуникация технологияларини ривожлантириш жамғармасини янада ривожлантириш ва унинг маблағларидан самарали фойдаланиш тўғрисида”ги 51-сонли қарорининг қабул қилиниши ахборот-коммуникация технологияларини соҳаларга сингдириш ва уларни ривожлантириш борасида жадал қўйилган қадамлар ҳисобланади [3]. 
Ахборот-коммуникация технологияларининг таълим жараёнларида қўллаш негизида ўқув жараёнини фанлар кесимида виртуаллаштириш ва тармоқ тизимлари ёрдамида ташкил этиш ётади. Ҳозирги кунда кўплаб таълим муассасаларида ўқитилаётган фанлар бўйича катта ҳажмда электрон ўқув-ресурслар яратилган. Таълим тизимида масофавий таълим технологияларини жорий қилиш, фанга киритилаётган янги маълумотларни тезкорлик билан ўқув жараёнига киритиш юқори самарадорликни таъминлайди. Демак биз олаётган ахборотларни кўзимиз орқали кўрамиз ва қабул қилар еканмиз, ахборотларнинг 80% ни тасвирлар ташкил қилишини ҳисобга оладиган бўлсак, тасвирлар билан боғлиқ бўлган масалаларни ҳал қилиш қанчалик долзарб вазифа эканлигини англаб етамиз. Бу самарадорликни ривожлантиришда ахборотлар яъни тасвирларни қайта ишлаш услубиятини қўллаган ҳолда унумдорлигини ошириш, муаммоларни бартараф этиш йўллари ҳисобланади.