Асримиз ахборот асри деб атала бошланди ва жуда тез ривожланаётган ахборот коммуникация технологиялари ҳаётимизнинг ҳар бир жабҳасига кириб келмоқди ва у ҳаётимизнинг сезиларли ўзгаришларига сабаб бўлмоқда

Диссертация мавзусининг долзарблиги. Бугунги кунда масофавий таълим, тармоқ технологиялари, интернет тизимларида тасвирларни юбориш ва ЭҲМ хотирасида тасвирларни ҳосил қилишда тасвирда турли хатоликлар рўй бериши мумкин, бунга камера ёки объектларнинг ҳаракати, фоторегистрларнинг камчиликлари, автосферадаги ҳаракат ва ўзгаришлар, тасвирларни ЭҲМ хотирасига ўтказиш воситалари камчилиги ва бошқалар бўлиши мумкин. Натижада тасвирда чегараларнинг ёйилиши, соҳаларнинг ўзаро фарқланиш даражаси пасайиши, баъзи бўлаклардаги ахборотнинг бузилиши ёки тасвирда сочма доғлар кўринишидаги ҳалақитлар ҳосил бўлиш ҳоллари кузатилади. Албатта бундай ҳол тасвир таҳлилини мурак-каблаштиради ҳамда баъзан катта хатоликларга олиб келади. Демак, тасвирларга ишлов беришда аввало уларни бу ҳалақитлардан ҳоли қилиш, ёки уларни кейинги босқичлар натижасига таъсирини камайтириш лозим. Бу масала тасвир сифатини ошириш дейилади. Тасвир сифатини оширишни морфологик усуллар ёрдамида амалга оширамиз.
Тасвир сифатини ошириш шартли равишда иккига бўлиш мумкин. Биринчи усули - таъмирлашдир, яъни олинган тасвирдаги хатоликларни йўқотиб, бенуқсон ёки шунга яқин тасвир олишдир. Масалан, тасвирдаги ёйилиш (яъни тасвирнинг ювилиб кетиши), сочма доғлар, ўлчам ва шаклларнинг бузилишини йўқотиш каби муаммоларни ечиш ва сунъий йўлдошлардан олинган тасвирдаги атмосфера ходисалари таъсири, рентгент(тиббиёт) ва ёзувли тасвирларнинг камчилигини йўқотишдир.
Тасвирлар сифатини оширишнинг иккинчи усули - бу тасвирни истемолчи идрок этиш учун қулай холга келтириш, масалан турли сохаларнинг чегараларини кучайтириш, яқин жойлашган нуқталар орасидаги фарқни камайтириш, тасвир тиниқлигини ошириш, турли соҳаларни турли рангда бериш (масалан биологик ва тиббий масалаларда) ва бошқалар мана шу усулни қўлланишига мисол бўла олади.
Моҳиятан фарқланишга қарамай, бу усулларда тасвирга ишлов беришнинг бир хил математик усуллардан фойдаланилади. Бундай усулларни қўллашда тасвирларга рақамли ишлов бериш, тасвирда нотиниқ шаклланган объектлар, пикселларда текис тақсимланган халақитлар, объект чегаралари каби тушунчаларни қараш мумкин. Рақамли ишлов беришда эса морфология математик нуқтаи назардан ўрганилади, яъни тасвирдаги керакли чегаралар ва бошқа объектларни ўрганишда фойдаланилади. Бундан ташқари морфологик қайта ишлашда фильтрлаш, қалинлаштириш, йўқотиш амаллари бажарилади. Шунинг учун бу усулдан фойдаланиш услуб ва алгоритмларини муфассалроқ кўриб ўтамиз.