Асосий воситаларга нималар киради

0140 “Мебель ва офис жиҳозлари” счётида ишлаб чиқариш ва бошқарув учун мўлжалланган мебель ва жиҳозлар (столлар, шкафлар, мебель йиғимлари, кресло, темир сейфлар ва бошқалар) шунингдек, офис жиҳозлари: телефакс аппарати, қоғоз қирқадиган ва йўқ қиладиган машиналар ва бошқалар ҳисобга олинади.
0150 “Компьютер жиҳозлари ва ҳисоблаш техникаси” счётида компьютерлар, принтерлар, сканерлар, модем ва бошқа компьютер жиҳозлари, ҳамда ҳисоблаш техникалари ҳисобга олинади.
0160 “Транспорт воситалари” счётида темир йўл, сув, ҳаво, автомобиль, ишлаб чиқариш ва коммунал транспорт воситаларининг ҳаракатланувчи таркиби шунингдек, магистраль қувур тармоқлари ҳисобга олинади.
0170 “Ишчи ва маҳсулдор ҳайвонлар” счётида ишчи кучи сифатида фойдаланиладиган ишчи ҳайвонлар отлар, ҳўкизлар, туялар, хачир ва эшаклар ва бошқа ишчи ҳайвонлар, шунингдек, юк транспорт воситаси сифатида фойдаланиладиган ҳайвонлар ҳисобга олинади. Шунингдек, маҳсулот: насл, сут, жун берувчи ҳайвонлар, сигир, буйвол, зотдор бия (ишлатиладиган эмас), она қўй ҳам ҳисобга олинади.
0180 “Кўп йиллик ўсимликлар” счётида кўкаламзорлаштириш, декорация, мева-резавор дарахтлар ва ўсимликлар, яшил деворлар ва бошқалар ҳисобга олинади.
0190 “Бошқа асосий воситалар” счётида юқорида келтирилган счётларда санаб ўтилмаган асосий воситалар ҳисобга олинади (21-сон БҲМСнинг 3-21-бандлари).

Инвентарь объект

Асосий воситалардан фойдаланишда уларни кўчирилиши ва сақланиши устидан назорат ўрнатиш учун ҳар бир асосий воситалар объектига инвентарь рақамлар берилади.
Асосий воситаларнинг бухгалтерия ҳисоби бирлиги инвентарь объекти. Асосий воситаларнинг инвентарь объекти, деб қуйидагилар тан олинади:

• 
  барча қурилмалари ва жиҳозларига эга бўлган объект;
  
• 
  муайян мустақил вазифаларни бажариш учун мўлжалланган алоҳида конструктив асосдаги буюм;
  
• 
  конструктив жамланган буюмларнинг алоҳида мажмуи. Бу бутун бир яхлитликни ифодаловчи ва муайян ишларни бажариш учун мўлжалланган мажмуа.
  

Конструктив жамланган буюмларнинг мажмуи умумий мосламаларга ва жиҳозларга, умумий бошқарувга эга, бир пойдеворда қурилган, натижада мажмуага кирувчи ҳар бир буюм ўз вазифасини мустақил равишда эмас, балки фақатгина мажмуа таркибида бажара оладиган бир ёки турли мақсадларга мўлжалланган битта ёки бир нечта буюмлардир (5-сон БҲМСнинг 5-банди 1-хатбоши).

Мисол

Компания ускуна – томчилатиб суғориш тизимини импорт қилади, у насос, асосий фильтр, сув ҳисоблагичи ва суғорадиган қувурдан иборат. Тизим ташиш учун қулай бўлган бўлакларга ажратилган ҳолда келтирилди.
Келтирилган ускунани инвентарь объект сифатида яхлит таснифланг.

№	Хўжалик операциясининг мазмуни	Счётлар боғланиши
		Дебет	Кредит
1	Ускуна ажратилган ҳолатда кирим қилинди:
	Насос	0720 ”Ўрнатиладиган асбоб-ускуналар - хорижий”	6011 ”Мол етказиб берувчилар хорижий хамкорларга тўланадиган счётлар”
	Асосий фильтр	0720 ”Ўрнатиладиган асбоб-ускуналар хорижий”	6011 ”Мол етказиб берувчилар хорижий хамкорларга тўланадиган счётлар”
	Сув ҳисоблагичи	0720 ”Ўрнатиладиган асбоб-ускуналар хорижий”	6011 ”Мол етказиб берувчилар хорижий хамкорларга тўланадиган счётлар”
	Суғорувчи қувур	0720 ”Ўрнатиладиган асбоб-ускуналар хорижий”	6011 ”Мол етказиб берувчилар хорижий хамкорларга тўланадиган счётлар”
2	Ускуна монтаж қилишга берилди
	Томчилатиб суғориш тизими, инв. рақам 1156	0810 ”Тугалланмаган қурилиш”	0720 ”Насос” 0720 ”Асосий фильтр” 0720 ”Сув ҳисоблагичи” 0720 ”Суғориладиган қувур”

Мисол

Корхона маҳаллий етказиб берувчидан тақдимотларни ўтказиш учун 12 500 000 сўмга проектор сотиб олди. Активларни асосий восита сифатида ҳисобга олиш учун ҳисоб сиёсатида кўрсатилган энг охирги қиймат – базавий ҳисоблаш миқдорининг 50 баравари.
Мўлжалланаётган фойдаланиш муддати – 3 йил. Проектор сотиб олинаётган пайтда базавий ҳисоблаш миқдори – 223 000 сўм. Проектор асосий воситаларга киритилган, чунки проектор қиймати базавий ҳисоблаш миқдорининг 50 бараваридан ортиқ (223 000 × 50 = 11 150 000 сўм). Шартномага кўра 6 000 000 сўм олдиндан тўлов назарда тутилган.
Бухгалтер операцияларни бухгалтерия ҳисобида қуйидаги ёзувлар билан акс эттиради: