Асосий атамалар

ОЛИЙ ТАЪЛИМ МУАССАСАЛАРИНИ ХАЛҚАРО НУФУЗИНИ ОШИРИШ
1896 йилнинг 30 майида Генри Уэллс ўзининг электромобилида велосипедида кетаётган Эвелин Томасни уриб юборади. Бу инсоният тарихидаги илк автоҳалокат эди. Велосипедчи жиддий зарар кўрмади. Орадан бир асрдан кўпроқ вақт ўтиб, йўл-транспорт ҳодисаси ва ҳалокатга сабаб бўладиган вазиятлар рўйхати шаклланди.
ЙТҲ жуда ҳам мудҳиш, ачинарли манзара бўлиб, истаймизми йўқми, ҳаётда рўй бериб турадиган ҳолатдир. Бунга ЙТҲ олдини олишга қаратилган хавфсизликни таъминлаш имконияти етарли эмаслиги, қатнов йўлларининг яроқсизлиги, автомобиллар сонининг ортгани ва уларнинг носозлиги, ҳайдовчиларнинг йўл қоидаларига риоя қилмаслиги каби омиллар сабаб бўлади
ЙТҲ хавфсизлигини таъминлашга қаратилган турли чора-тадбирлар амалга оширилаётганига қарамай, жаҳон бўйлаб ЙТҲ сони ортиб бормоқда. Ҳар йили дунёда ЙТҲларида тахминан 1,3 млн. киши ҳалок бўлади, 30-50 млн. одам жароҳат олади ёки ногирон бўлиб қолади. Уларнинг катта қисми 15-40 ёшдаги одамлардир. Тадқиқотлар хулосаларига кўра, ЙТҲларида талофат кўрганларнинг 80 фоизини эркаклар ташкил қилар экан.
Йўл-транспорт ҳодисаси – транспорт воситасининг йўлдаги қатнови жараёнида содир бўлиб, фуқароларнинг ўлими ёки уларнинг соғлигига зарар етишига, транспорт воситаларига, иншоотлар, юклар шикастланишига ёки бошқа тарзда моддий зарар етказилишига сабаб бўлган ҳодиса

ЙТҲ қуйидаги вазифаларни ҳал қилиш мақсадида таҳлил қилинади

ҳаракат хавфсизлигига тааллуқли «Автомобил-ҳайдовчи-йўл-пиёда-муҳит» тизимига кирувчи ҳар бир омилнинг фаолиятига тегишли тадбир ва чоралар ишлаб чиқиш учун
бирон-бир бошқарув ҳудудидаги, вазирликлардаги ва уларнинг корхоналаридаги фалокатлар аҳволини, ўзгариш моҳиятини ҳамда истиқболдаги ўзгаришини башорат қилиш мақсадида
ЙТҲнинг келиб чиқиш сабабларини ва уларни бартараф қилиш борасида тузиладиган кўрсатмаларни ишлаб чиқиш учун;
ЙТҲ кўп қайтариладиган йўл бўлакларини аниқлаш мақсадида