Аси этнографик макон сифатида

Диссертациянинг назарий ва амалий аҳамияти. Тадқиқотдаги назарий масалалар Қашқадарё воҳаси этнографияси бўйича мавжуд бўшлиқни тўлдиришга хизмат қилади. Мазкур диссертацияни тайёрлашда тарихий, этнографик манба ва адабиётлар, статистик, аҳоли рўйхати материаллари, дала этнографик маълумотлари ҳамда мавзуга оид хорижий адабиётлар асосий манба ролини ўйнади. Ва ушбу маълумотлар илк бор илмий таҳлил қилинди.
Диссертацияда келтирилган далиллар, илмий умумлашма ва хулосалардан Республика олий ўқув юртларининг “Тарих” йўналишида бакалаврлар тайёрлаш, этнология, археология, тарихшунослик манбашунослик каби фанлардан маъруза ва семинарлар ўтиш жараёнида, амалий машғулотларда, Қашқадарё воҳаси тарихига оид қўлланмалар, дарсликлар, рисолалар ёзишда ҳамда фан тўгаракларида махсус курслар олиб боришда фойдаланиш мумкин. Шунингдек, ушбу диссертация материаллари Қашқадарё воҳаси тарихи ва этнографияси билан шуғулланувчи тадқиқотчиларга муҳим маълумотлар беради.
Диссертациянинг тузилиши ва умумий ҳажми. Диссертация кириш, уч асосий боб, хулоса, фойдаланилган манба ва адабиётлар рўйхати ҳамда иловалардан иборат. Ишнинг умумий ҳажми 93 саҳифани ташкил қилади.
Мазкур тадқиқот ОТВ тасдиқлаган ”Магистрлик диссертацияси тўғрисидаги Низом” асосида тайёрланди.
“Кириш” қисмида мавзунинг долзарблиги, ўрганилганлик даражаси, мақсади, вазифалари, тадқиқот объекти, предмети, усуллари, илмий янгилиги методологияси, назарий ва амалий аҳамияти, хулоса ва тузилиши кабилар қайд қилинган.
“Жаҳон цивилизацияси контексида Қашқадарё этнографик маконидаги этнодемографик жараёнлар” деб номланган биринчи бобда Қашқадарё воҳаси аҳолисининг шаклланиш жараёни ва этник таркиби, аҳолининг жойлашуви, ва этнодемографик жараёнлар ёритилган.
“Воҳа ўзбеклари анъанавий хўжалигининг этнолокал жиҳатлари” деб номланган иккинчи бобда воҳа ўзбекларининг зироатчилик билан боғлиқ анъаналаридаги этнолокал жиҳатлар, анъанавий чорвачиликдаги анъаналар ва инновациялар баён этилади.
“Воҳа ўзбекларининг моддий ва маънавий маданиятидаги трансформация жараёнлари” деб номланган учинчи бобида эса аҳоли моддий ва номоддий маданиятидаги трансформация жараёнлари ва этнографик хусусиятлар тадқиқ қилинди.
Хулосада эса юқоридаги ҳар учала бобдан келиб чиқадиган якуний фикр-мулоҳазалар ва амалий тавсиялар ўз аксини топган.