Asab tizimini tekshirish usullari

Zararlanganda asosiy belgilari:

Patologik jarayon periferik neyronda bo'lganida periferik falajlik kuzatiladi. Bunda zararlangan tomonda ko'z ochiq (lagooftalm), peshona burmasi tekislangan, peshonani tirishtirishni va ko'zni yumishning iloji bo'lmaydi. Ko'zni yummoqchi bo'lganida ko'z olmasi tepaga ketishi, ko'z qorasi yuqoriqovoqning tagiga ketishi va ko'z yorigi ochiq qolishi (Bella simptomi) kuzatiladi. Tishni ko'rsatganda ogiz soglom tomonga tortiladi-"unzov belgisi" simptomi. Ayrim hollarda ko'zdan yosh oqishi kuzatiladi. Lunjni havo bilan to'ldirganda zararlangan tarafda havo ushlab turalmaslik - "elkan" simptomi kuzatiladi. Ogiz burchagidan so'lakining oqishi, gapirish va xushtak chalishning qiyinlashishi, zararlangan ogiz yarmidan suyuq ovqatning oqishi kuzatiladi.

Po’stloq-yadro tolasi bir tomonlama zararlanganda qarama-qarshi tarafda pastki mimik muskullarning markaziy falajligi kuzatiladi . Bunda ogiz burchagi pastga osilgan, tishlarni ko'rsatganda ogizning soglom tomonga qiyshayishi aniqlanadi .

Ko'z yosh bezlarini (n. petrosus major) innervatsiya qiladi gan nerv zararlanganda kseroftalm boshlanadi, bunda ko'zning namlanmasligi aniqlanadi . Agar jarayon yugan muskulini (n. stapedius) innervatsiya qiluvchi nervda joylashsa, zararlangan tomonda giperakuziya-eshitish sezgisining kuchayishi, bemorda oddiy tovushni kuchliroq, gumbirlagandek qabul qilishi kuzatiladi. Patologik jarayon tilning oldingi 2/3 qismida ta'm sezishini innervatsiya qiluvchi nervda joylashganda (n.. chorda tympani), ta'm sezishning yo'qolishi-agevziya, yoki uning susayishi-gipogevziya, yoki uning aynishi-paragevziya kuzatiladi.