Arxitekturaviy dasturiy loyihalash

MTM ning qurilish maydonida joylashuvi
Maktabgacha bolalar muassasalari binosining qurilish joyini tanlashda u yerning tozaligiga, sog’lomligiga, yaxshi shamollatish va quyosh tushishga, suv bosmasligiga, botqoqmasligiga iloji boricha yer osti suvlari yaqin bo’lmasligiga katta e’tibor qaratish lozim.

Maktabgacha bolalar muassasalari o’zidan noxush xid tarqatuvchi sanitariya holati yomon bo’lgan do’konlarning xo’jalik xovlilari, oshxonalar, qozonxonalar, garajlar, avtoturargoxlari va boshqa shu kabi binolar bilan qo’shni holatda bo’lmasligi lozim. Himoya hududiga ega bo’lmagan qo’lansa turib qolgan suv xavzalari, chiqindi uyumlari, qabriston, qishloq ishlab chiqarish va chorvachilik fermalari, hayvonlarni saqlash joylari va chorvachilik fermalari, hayvonlarni saqlash joylari va chorvachilik yaylovlariga yaqin holatlarida ham qurilmasligi kerak. MTM binolarini aholi yashash joylaridagi ko’cha, magistral yo’llaridan ichkaridagi qizil chiziqdan eng kamida 15 m chegaralangan bo’lishi shart. SHu bilan birga bolalarning asosiy xonalari (o’ynash – ovqatxonasi va guruhlar xonasi) janubga yoki janubiy sharq va sharq tomonlarga qaratilgan bo’lmog’i lozim. Bolalar xonalarini xech vaqt shimolga va shimoliy – g’arbga qaratish mumkin emas.