Arxitekturaviy dasturiy loyihalash

Rasm 2.

a – yasli guruhi yacheykasi; b – bog’cha yacheykasi

MBTM binolarining konstruktiv yechimi

Maktabgacha bolalar ta’lim muassasalari binosining hajmiy – rejalashtirish tarkibiy tizimi kam qavatlik va kichik xonalardan iborat bo’lishiga qaramasdan nihoyatda turli xildagi konstruktsiya (uskuna)lardan foydalanishni taqazo etadi: asosan karkas, karkas – panelli, g’ishli, karkassiz blokli, kichik shlakoblokli yoki yerlik qurilish ashyolaridan bo’lishi mumkin. Keyingi vaqtlarda ommaviy qurilish materiallari bo’lgan yirik panellar, blokli panellardan foydalanilmoqda. Keyinchalik ham bunday binolarni qurishda karkas konstruktsiyasidan foydalanish tobora odat tusiga kirib bormoqda.

SHu bilan birga bolalar muassasalari binosi ommaviy qurilish ob’ekti bo’lgani uchun ham iloji boricha to’liq yig’ma konstruktsiyalarni ishlatishga mo’ljallab loyihalanishi lozim. Faqatgina industrial bazasi bo’lmagan joylarda bino konstruktsiyalarini mayda donalik o’sha yerda ishlab chiqariladigan pishgan g’ishlardan ham qurilish ashyolaridan foydalangan holda ko’rish mumkin.

Binoning zina kataklari evakuatsiyaga mo’ljallangan bo’lib, berk bo’lgani holda derazalar orqali shamollatishga (tabiiy ravishda) tashqari tomonga ochiladigan qilib qurilmog’i lozim. Yo’laklarningn eni – 1,4 m dan kam bo’lmasligi maqsadga muvofiq. IV klimatik xududlarda bolalar yasli – bog’chalarini loyihalashda bevosita ochiq maydonchaga olib chiquvchi ochiq zinapoyalarni qurishga ham ruxsat etiladi.

Bolalar yasli – bog’chalaridagi zinaning to’siq va tutqichlarining balandligi 1,35 m; to’siqlarning va tutqichning zinadan ushlash joyigacha balandligi 0,5 m, kattalar uchun 0,85 m bo’lmog’i lozim.

Maktab yoshigacha bolalarning xojatxonalarini o’g’il va qiz bolalar uchun alohida – alohida qilib o’rnatish maqsadga muvofiq bo’ladi.

Bunday binolarni vertikal (tikkasiga) yoki to’g’ridan – teshik orqali shamollatish shart. IV klimatik hududlarda esa, uxlash xonasi – ayvoncha orqali shamollatish ham mumkin.