Arxitekturaviy dasturiy loyihalash

Maktabgacha bolalar muassasalarining shaharda joylashuvi
Bolalar muassasalarini shaharda eng kami 140 o’rinli, shahar tipidagi poselkalarda 90 o’rinli, qishloq aholi punktlarida esa 50 o’rindan kam bo’lmagan holda qurish taklif qilinadi.

Eng ko’p ommaviy bo’lgan maktabgacha bolalar muassasalarining umumiy turdagi kunduzgi guruhlari odatda turar joylar kvartallarida yoki mikrorayonlarda joylashgani holda, faqat ish rayonlardagi aholiga xizmat ko’rsatishi kerak va magistral ko’chalar bilan chegaralangan 300 m.gacha bo’lgan masofa oralig’ida bo’lishi lozim.

Maktabgacha bo’lgan bolalar muassasalarining maxsus mo’ljallangan turlari, ya’ni sanatoriya – sog’lomlashtirish va yozgi bog’chalar odatda, qoida bo’yicha shaharning chekka xududlariga eng yaxshi mo’tadil iqlimli va tabiat muhitida bo’lishi maqsadga muvofiq hisoblanadi.

Maktabgacha bolalar muassasalari shaharda joylashtirish QMQ 2.08.02 – 96 “Jamoat bino va inshootlari” normativi asosida amalga oshiriladi. Ushbu normativ xujjatda bolalar yasli – bog’chalarining nechta o’rinli bo’lishi ushbu joydagi shahar aholi punktining demografik tizimidan kelib chiqqan holatda barcha maktab yoshigacha bo’lgan bolalarni qamrab olishga mo’ljallangan.

MTM ning turini tanlab olish esa, faqat ayrim hollardagina aholi punktining o’lchamlarining chegaralanganligi bilan bog’liq bo’ladi.

Jamoat binolari tiplari (klublar, kinoteatrlar, umumiy savdo markazlari)dan farqli o’laroq, har bir bolalarning MTM unga katta bo’lmagan aholi punktlariga xizmat ko’rsatadi. SHuning uchun ham ularning sig’imini katta – kichikligiga aholisi 5000 dan kam bo’lmagani holda e’tibor qaratiladi.

Aholisi soni 4000 dan ortiq, 4 – 5 qavatli uylar bo’lgan joylarda, ko’p hollarda qurilish va tejamkorligi jihatdan qulay bo’lgan 280 va 330 o’rinli bolalar yasli – bog’chalarini tanlash maqsadga muvofiq.

140 va 190 o’rinli bolalar yasli – bog’chalari esa, aholisi 4000 dan kam bo’lgan joylarda qo’shimcha ravishda tanlanishi mumkin.