Arxitektura qurilish instituti ijtimoiy fanlar kafedrasi

Vazirlar Mahkamasi – Ijroiya hokimiyat – davlat hokimiyatining uch asosiy tarmoqlaridan biri. Hokimiyatlar bo‘linishi tamoyiliga muvofiq ijro etuvchi hokimiyat mamlakat hukumati Vazirlar Mahkamasi zimmasiga yuklatiladi. Vazirlar Mahkamasi Bosh vazir, uning o‘rinbosarlari, vazirlar, davlat qo‘mitalarining raislaridan iborat. Qoraqalpog‘iston Respublikasi hukumatining boshlig‘i Vazirlar Mahkamasi tarkibiga o‘z lavozimi bo‘yicha kiradi. Odatda ijroiya hokimiyat parlamentga o‘tkazilgan saylovlardan so‘ng bir oy ichida shakllantiriladi. Vazirlar Mahkamasiga o‘z vakolati doirasida qonunlarni va Prezidet farmonlarini ijro etish mas’uliyati yuklangan. U iqtisodiyotni, ijtimoiy va ma’naviy sohani sohaning samarali faoliyatiga rahbarlikni ta’minlaydi.  

 Prezumsiya (lot. Praesumptio) – gumon, taxmin degan ma’noni anglatadi.

 Ombudsman (shvedcha – Ombudsman) – biron kishi manfaatlarining vakili degan ma’noni anglatadi.

  Oliy Majlisning Inson huquqlari bo‘yicha vakili (Ombudsman) – mansabdor shaxs bo‘lib, unga O‘zbekistonda davlat organlari, fuqarolarning o‘zini o‘zi boshqarish organlari, korxonalar, muassasalar, tashkilotlar, jamoat birlashmalari va mansabdor shaxslar tomonidan inson huquqlari to‘g‘risidagi amaldagi qonun hujjatlariga rioya etilishining samaradorligi ustidan parlament nazoratini ta’minlash vakolatlari berilgan. Ombudsman faoliyatining huquqiy asoslari 1997 yil 27 aprelda Oliy Majlisning VIII sessiyasida qabul qilingan “Oliy Majlisning Inson huquqlari bo‘yicha vakili (Ombudsman) to‘g‘risida”gi qonunda belgilab qo‘yilgan.