Arxitektura qurilish instituti ijtimoiy fanlar kafedrasi

Farg‘ona fojiasi – O‘zbekistonda tobora kuchayib borayotgan demokratik jarayonlar mustabid tuzum davrida yillar davomida to‘planib qolgan salbiy illatlarning yuzaga chiqarishi, ekstremistik kuchlarning ig‘vogorona harakati oqibatida 1989 yilning may-iyun oylarida Farg‘ona vodiysida ro‘y bergan  fojiali voqealar. Farg‘onada sodir bo‘lgan siyosiy ig‘vogarlik Tbilisi, Tog‘li Qorabog‘, Bokuda uyushtirilgan  ig‘vogarliklardan biri edi.

“Paxta ishi”, “o‘zbeklar ishi” - 1983 yilda Markaz tomonidan ataylab o‘ylab topilgan uydirma asosida O‘zbekistonda paxtani terish va qayta ishlashdagi “o‘g‘irlik”, “qo‘shib yozish” buzilishlarni tergov qilish  uchun tashkillashtirilgan “jinoiy ishlar”. Keyinchalik markaziy ommaviy axborot vositalari tomonidan yuzsizlarcha  “paxta ishi “ “o‘zbeklar ishiga” aylantirildi. “Paxta ishi”, “O‘zbeklar ishi”,   tergovlari natijasida Gdlyan va Ivanov boshchiligidagi guruh tomonidan 1989 yilgacha 5 mingdan ko‘proq partiya va sovet rahbarlari, yirik tashkilotlarning   rahbarlari, kolxoz va sovxozlarning ko‘plab raislari va direktorlari ishdan olindi hamda ularning aksariyati jinoiy javobgarlikka tortildi.1989 yilda respublikaning I.A.Karimov boshchiligidagi rahbariyat tomonidan ushbu jinoiy ishlar qayta ko‘rib chiqildi, adolat qaror topdi.  

Parlament – fransuzcha Parler – gapirmoq so‘zidan kelib chiqqan bo‘lib, rasmiy so‘zlashish joyi ma’nosini anglatadi. Parlament davlatning oliy vakillik organi hisoblanadi va qonun chiqaruvchi hokimiyatni amalga oshiradi. U qonun bo‘yicha belgilangan sondagi deputatlardan iborat bo‘lib, hududiy saylov okruglari bo‘yicha ko‘ppartiyaviylik asosda belgilangan yoshga to‘lgan fuqarolardan saylanadi. Parlametarizm tajribasini shuni ko‘rsatadiki, parlament bir palatali va ikki palatali bo‘lishi mumkin. Ma’lumki, demokratik mamlakatlarning aksariyatida, shu jumladan O‘zbekiston Respublikasida ham parlament ikki palatalidir.