Arxitektura qurilish instituti ijtimoiy fanlar kafedrasi

O‘zbekiston Respublikasi Parlamenti – Oliy Majlisi – oliy  davlat vakillik organi bo‘lib, qonun chiqaruvchi hokimiyatni amalga oshiradi.   Uning maqomi, tuzilishi, tizimi, vazifalari, ish faoliyatiga oid qonunlarni belgilashda dunyodagi eng ilg‘or davlatlarning va umuman, oliy qonun chiqaruvchi organni tashkil qilish bo‘yicha xalqaro tarixiy tajriba chuqur o‘rganilgan va inobatga olingan. U ayni paytda hokimiyatning qonun chiqaruvchi  va vakillik organi hisoblanadi, uning tarkibidagi deputatlar xalq manfaatlarini ko‘zlaydi. Oliy Majlis 5 yil muddatga saylanadi. 25 yoshga etgan O‘zbekiston fuqarolari saylanish huquqiga ega.1990-1994 yillarda mamlakatimiz parlamenti Oliy Kengash deb atalib, bir palatali, 150 deputatdan iborat edi. 1995-2005 yillarda  parlament Oliy Majlis nomi bilan atalib, bir palatali  va uning 250 deputati mavjud edi. 2005-2009 yillarda Oliy Majlis ikki palatali parlament bo‘lib, uning quyi Qonunchilik palatasi 120 deputat, Senat (yuqori  palatasi) esa 100 senatordan tashkil topdi. 2009-2014 yillarda Olliy Majlis ikki palatali bo‘lib, ularda 150 deputat va 100 senator faoliyat yuritdi. 2014 yil 21 dekabrda bo‘lib o‘tgan saylovda Oliy Majlisning Qonunchilik palatasiga 150 deputat, Senatiga esa 100 ta senator saylandi. Oliy Majlisning Mandat komissiyasi va   qonunlarni ishlab chiqishning asosiy yo‘nalishlarini hisobga olgan xolda Oliy Majlisning Qo‘mitalari tashkil etilgan. O‘zbekiston Respublikasi Oliy Majlisining Qonunchilik palatasi va Senatining vakolat muddati –   besh yil.