Arnawli bilimlendiriw ministrligi

2.4. Fizikadan oqıw sabaqlarınıń formaları hám olardıń birlestiriw usılları.
Oqıwshılardı házirgi zaman talaplarına sáykes túrde oqıtıw hám tárbiyalawdıń tiykarģı jollarınan biri oqıtıw metod hám usılların tereń qollanģan jaģdayda oqıw sabaqların shólkemlestiriw bolıp tabıladı. Bunday jaqınlasıw oqıw predmetiniń mazmunlı oqıtıw metodları hám formalarınıń didaktikalıq birligin kórsetedi. Lekin, soģan qaramastan hár bir oqıw shınıģıwlarınıń maqseti hám wazıypasına qaray onıń forması bolıwı múmkin.
Fizikadan oqıw shınıģıwlarınıń tiykarģı forması sabaq bolıp esaplanadı, onıń áhmiyeti bolsa bahasız. Hár bir sabaqtıń maqseti, wazıypası esabına alınģan halda oqıtıwshı tárepinen sabaqtı rejelestiriwde itibarģa alınģan bolıwı kerek. Oqıtıwshı sabaqqa tayarlanıwda hám onı tártiplestiriwde:
a) sabaqtıń ideyallık, tárbiyalıq, ilimiy, ómirlik hám ámeliy mazmunına bay bolıwın;
b) barlıq oqıwshılar sabaqtıń basqıshlarına aktiv qatnasıwın;
v) oqıwshılardıń jámáátiniń birgelikte bolıwın;
g) pútkil sabaq protsessinde oqıtıwshı menen oqıwshılardıń óz-ara húrmet tiykarında baylanısta bolıwın;
d) Jaqsı keyipte bolıw hallarıda názerden shette qalmawları kerek.
Házirgi zaman sabaģınıń ózine sáykes tárepi sonda, nátiyjeli metodlar tiykarında oqıwshılardı oqıtıw hám tárbiyalaw talap etiledi. Ol oqıwshılarģa barlıq oqıtıw qurallarınan unamlı paydalanģan túrinde sabaqqa dóretiwshilik jaqınlasıwdı júkleydi. Bul bolsa, oqıwshılarģa tvochestvolıq ģárezsizlik jolın ashadı hám mashqalalı oqıtıwdıń tiykarģı gilti bolıp esaplanadı. Házirgi zaman fizika sabaqlarında oqıwshılar toparınıń aktivlikke erisiwi olardıń jeke qásiyetlerin esapqa alıwdıda kórsetedi.
Házirgi waqıtta fizikadan oqıw sabaqlarınıń jańa temanı bayanlaw, bekkemlew,
tákirarlaw, ulıwmalastırıwshı oqıw konferentsiyaları, seminar, frontal laboratoriya jumısı, oqıw ekskursiyası, fizikalıq praktikum hám fakultativ sabaqlar sıyaqlı túrleri bar. Sońģı jıllarda sabaqtıń jańa formaları júzege kelmekte. Mısalı: beriliw sabaqları, ijodkorlik, kompyuter, professional oyın, jarıs, toparlarģa bólip oqıtıw sabaqları keń orın almaqta. Barlıq sabaqlardıń
túrleri shólkemlestiriw formalarına qaray tómendegi belgiler menen ayırıladı:
a) oqıwshılar toparı,
b) ótkeriletuģın ornı hám waqtı,
v) oqıwshılardıń jetiskelikleri formaları hám onıń
tártibi,
g) oqıwshılardıń jetiskenlikleri hám oqıtıwshınıń basshılıq etiw usılı,
d) oqıwshılar
jetiskenliklerin baqlaw usılı hám bahalaw usılı.
Fizikanı oqıtıwdıń bul forması kóplegen oqıw-tárbiya máselelerin sheshiwge járdem beredi. Tiykarınan, oqıwshılardıń qabıleti hám qızıģıwshılıģı esapqa alınıp bilim dárejesin asıradı. Fakultativ sabaqlar oqıtıwdıń hár túrli formaların ózine qabıllaģan túrde pán hám texnika rawajlanıwınıń sońģı jetiskenlikleri menen tanısıwģa járdem beredi.
Házirgi waqıtta mektep jaylasqan ortalıqtı, fizika kabinetiniń imkaniyatların hám oqıwshılar qızıģıwshılıģın esapqa alıp hár túrli fakultativ sabaqlar saylap alınıwı múmkin:
fakultativ arnawlı kurslar, teoriyalıq bilim hám kónlikpelerin asırıw hám ámeliy fizika kursı.
Arnawlı kurslarda fizikanıń anaw yamasa mınaw bólimi tereń úyreniledi. Oqıwshılardıń ilimiy dúnya qarasınıń keńeyiwine, alınģan bilimleriniń ámelde qollanıw kónlikpeleriniń rawajlanıwına áhmiyetli itibar beriledi.
Oqıwshılardıń teoriyalıq bilimlerin tereńlestiriwge arnalģan fakultativ sabaqlar mektep fizika kursı menen baylanıslı túrde alıp barıladı. Mektep fizika kursında alınģan bilimler tereńlestiriledi, ámeliy kónlikpeler rawajlandırıladı, oqıwshılardıń qızıģıwshılıģı arttırıladı. Bunda hár bir klass ushın óziniń fakultativ sabaģı boladı. Házirgi waqıtta fakultativ sabaqlardıń tómendegi baģdarları keń tarqalģan: mexanizatsiyalaw, avtomatlastırıw hám elektronikanıń fizika tiykarların úyreniw bolıp tabıladı.