Қарашли 3-сонли умумий

Биология хонаси. Майдони 50,7м² бўлиб, хонага сув тармоғи киритилмаган. Биологик тажрибалар ўтказиш учун лаборатория мавжуд эмас. Физика, чизмачилик синф хоналари ҳам алоҳида ажратилмаган ва сув тармоқлари киритилмаган.
Информатика хонаси. Ўқув хонасининг умумий майдони 57,7м². Кондиционер қурилмаси мавжуд ишлайди. Информатика хонаси 18 та компьютер қурилмаси билан таьминланган. Хар бир компьютер учун 4,5 м²дан жой ажратилиши лозим. Ажратилган жой СанҚваМ бўйича етарли эмас. Шунингдек, хонадаги зарарли ион нурларини суриш учун тортувчи–сурувчи вентиляция мавжуд эмас. Хонада кунлик тозалов сифатсиз олиб борилган, хона ҳароратини ўлчаш учун термометр мавжуд. Бу билан Ўз.Рес 393-сонли Қонунининг 27 моддаси ва СанҚваМ 0341-16 нинг 4.9 банди 2-жадвал ва 5.9 бандлари талаблари бузилган.
Мехнат хонаси. Ўқув хонасининг умумий майдони 40,0 м². Сунъий ёритгичлар ишлайди. Биринчи ёрдам учун дори воситалари йўқ. Қўл ювиш учун шароит яратилмаган. Хонада харорат режимини аниқлаш учун термометр мавжуд эмас. Ўқув жихозлари етишмайди.
Спорт зали. Спорт зали 9х18 м² бўлиб, спорт анжомлари билан таъминланган хамда мавжуд спорт анжомларидан фойдаланишда ўқувчилар хавфсизлиги таъминлаш чоралари кўрилган, спорт залда тозалов ишлари талаб даражасида ўтказилмаган. Спорт залида биринчи ёрдам кўрсатиш учун тиббий қути (аптечка) ташкил этилмаган. Ўғил ва қиз болалар ечиниш ва кийиниш хоналари алоҳида ташкилланган. Ечиниш ва кийиниш хоналаридаги суньий ёритгичлар ишлайди. Спорт залида битта душхона бўлиб, иссиқ ва совуқ сув билан таъминланган, назорат кунида душхона ишлагани йўқ, таъмир талаб, хонада спорт анжомлари сақланмоқда ва хожатхона мавжуд эмас, қўл ювиш учун иссиқ ва совуқ сув билан таьминланмаган. Бундан ташқари, тозаловчи инвентарлар дезинфекция моддаларини тайёрлаш учун алохида хона ташкил этилмаган. Тозалов анжомлари (швабра, латта) қиз болалар ечиниш-кийиниш хонасида сақланмоқда. Спорт зал биносида мажлислар зали, ўқитувчи хонаси, тўгарак хонаси ва психолог хоналари жойлаштирилган. Юқоридаги камчиликлар билан СанҚваМ 0341-16 нинг 4.14 банди ва 4.15 бандлари талаблари бузилган.
Мактаб худудида спорт майдонлари (футбол, валейбол, баскетбол майдони ва турник) мавжуд. Узоққа сакраш учун алохида қум майдони ташкил этилган.
Ўқитувчилар хонаси алохида ташкил этилган. Йиғилишлар зали мавжуд бўлиб, барча керакли жихозлар билан жихозланган, кунлик тозалов ишлари тўлиқ ўтказилмаган.