Қарашли 3-сонли умумий

4-“Б” синф. Хонанинг умумий майдони 64,0 м² ўқувчилар сони 25 нафар бўлиб, ўрганиш кунида 23 нафар ўқувчи дарс жараёнига қатнашмоқда, хона майдони хар бир ўқувчи учун етарли. Синфдаги парталарни ўтириш столларини айримлари синган ҳолатда. Хона ҳарорати +22⁰С ни ташкил этмоқда (нормада 18-20⁰С). Синф хонасида кунлик тозалов ишлари қониқарсиз олиб борилган, хонадаги мавжуд жихозлар юзалари тўлик тозаланмаган (чанг, ислар олинмаган, зарарсизлантириш ишлари олиб борилмаган), Шкафларда болалар кийимлари ўрнида ўқитувчиларни кўргазмали плакатлари ва дафтарлар сақланмоқда. Девор билан парта оралиғидаги, 2 та парта оралиғидаги 1-парта ва доска оралиғидаги масофалар сақланган. Суньий ёритгичлар сони 8 дона бўлиб, 2 таси ишчи холатда эмас. Фойдаланилган бир марталик салфетка ва ниқоблар ташлаш учун усти ёпиқ герметик идиш ташкил этилган. Синф хонасининг пол қисми мойли бўёқ билан бўялган. Гуллар синф хонаси дераза ойналарига қўйилган. Синф хонасида ўқувчилар қўл ювиши учун шароит яратилмаган.
9-“А” синф. Хонанинг умумий майдони 57,7 м² ўқувчилар сони 33 нафар бўлиб, ўрганиш кунида 25 нафар ўқувчи дарс жараёнига қатнашмоқда, хонада 28 та парта жойлашган, хона майдони хар бир ўқувчи учун етарлича эмас. Синфдаги парталар ва ўтириш столлари бир нафардан ўқувчи учун мўлжалланган бўлиб, айримларида 3 нафардан ўқувчилар ўтиришибди. Хона ҳарорати +22⁰С ни ташкил этмоқда (нормада 18-20⁰С). Синф хонасида кунлик тозалов ишлари қониқарсиз олиб борилган, хонадаги мавжуд жихозлар юзалари тўлик тозаланмаган (чанг, ислар олинмаган, зарарсизлантириш ишлари олиб борилмаган), Девор билан парта оралиғидаги, 2 та парта оралиғидаги 1-парта ва доска оралиғидаги масофалар сақланмаган. Суньий ёритгичлар ишчи холатда. Юқорида аниқланган камчиликлар билан Ўз.Рес 393-сонли Қонунининг 27-моддаси ва СанҚваМ 0341-16 нинг 4.7 банди, 4.9 банди 2-жадвал, 4.27 банди, 5.6 банди, 5.7 банди, 7.1.9 банди, 7.2.9 ва 12.10 бандлари талаблари бузилган.
Кимё ўқув ва лаборатория хонаси. Кимё ўқув хонаси бир хонадан иборат, майдони 50,7 м² бўлиб, пол қисми мойли буёк билан бўялган, сув тармоғи олиб кирилган, лекин носоз ишламайди, мавжуд мослама сув идиши жўмраги занглаб ишлатишга яроқсиз ҳолатга келган. Хонада кунлик тозалов ишлари тўлиқ ўтказилмаган. Суньий ёритгичлар ишлайди. Синфда кимёвий реаксиялар ўтказиш махсус шкаф бўлиб, юзага келган зарарли хаво газларини тортиш учун махсус тортувчи вентеляция ўрнига мослама тортувчи вентиляция билан жихозланган, тўлиқ эмас ва ҳозирда ишламайди. Лаборатория хонасида лаборатория тажрибаларини ўтказиш учун мавжуд реактив ва моддалар муддати ўтган ва яроқсиз холатда, хонанинг санитария холати қониқарсиз хамда косметик таъмирлаш ишлари ўтказишга мухтож холатда. Хоналарда суъний тортувчи-сўрувчи вентеляция мосламаларини мавжуд эмас. Бу билан Ўз.Рес 393-сонли Қонунининг 20 ва 27 моддаси ва СанҚваМ 0341-16 нинг 5.8 банди 4.27 банди талаблари бузилган.