Ҳар кунимиз наврўз бўлсин

Чорток тиббиёт коллежида 2014 йил «Соғлом бола йили» да ўтказиладиган
“ҲАР КУНИМИЗ НАВРЎЗ БЎЛСИН” шиори остида байрам
сценарийси

Карнай-сурнай садолари остида бошловчилар ўқийди.

Бошловчи йигит: Соғинганим Наврўз келди, Наврўз келди элимга,
Оппоқ ният, пок муҳаббат солди мунгли-дилимга.
Бизлар хали кўп яшаймиз тўзин берсин ўлимга,
Боболарим, момоларим-қутлуғ бўлсин янги кун.
Фаришталар омин десин улуғ бўлсин янги кун.!
Яна келди гул фасли кўклам,
Майсалардан тушаган гилам.
Нурга тўлди бу кўҳна олам,
Шу оламнинг гул юзи наврўз.
Бошловчи қиз: Кўк меҳридан баҳра олди, сахролар ҳам боғлар ҳам,
Қўшиқ бошлаб қолди ана, мудраётган тоғлар ҳам.
Яқин қолди руҳимизга эрк берувчи чоғлар ҳам,
Азиз халқим ватандошлар, қутлуғ бўлсин янги кун,
Фаришталар омин десин улуғ бўлсин янги кун!
Минг-минг йилдан бери барҳаёт,
Қанотида гулёри-баёт,
Яхшиликка ташна бир саёт-
Тенгдир кеча кундузи наврўз.
Ўзбекистон Республикаси Давлат мадхияси янграйди.
Бошловчи йигит: Чортоқ тиббиёт коллежи директори Гулнорахон Камалованинг жамоа ва ўқувчиларга байрам табриги.
Азиз ўқувчилар, хурматли жамоамиз аъзолари!
Юртимизга улуғ айём - Наврўзи олам кириб келмоқда.
Наврўз - бахор ва гўзаллик, ёшариш ва янгиланиш байрами.
Наврўз айёмини - табиат уйғонадиган ойни ўтмишда яшаган боболаримиз «Улуғ ой» ёки «Умид ойи» деб атаганлари катта маънога молик. Чунки, бахор келиши билан баракали ва мўл хосил олиш учун янги мехнат мавсуми бошланадиган бу ажиб даврда, нафақат табиат, балки инсон умидлари хам куртак очади, инсонлар дили покланади.
Наврўз қадим - қадимлардан халқимиз учун, диёримиз учун мехру мурувват байрами бўлиб келган.
Бу улуғ айёмда эски гина ва аразлар унутилади, халқлар ва миллатлар жипслашади, ўзаро мехру мухаббат хукм суради, буюк ишларнинг режалари тузилади.
Азиз дўстлар!