Ҳар кунимиз наврўз бўлсин

Бу йилги Наврўзнинг хам юртимизга қадамлари қутлуғ келсин!
Юртимизни ёмон кўзлардан асрасин!
Хар бир хонадондан мехру-оқибат, бахту-саодат ва тинчлик - тотувлик асло аримасин!
Қилаётган эзгу ишларимизда Аллохнинг ўзи мададкор бўлсин!
Нарўз байрами билан сиз орқали барчангизни оила аъзоларингизни хам яна бир бор муборакбод этаман.
1 - АСОСИЙ ҚИСМ
Саҳнада бир қиз ва бир йигит кириб келади. Буларнинг чиқишига орқа фондан мусиқа янграб туради. 20 нафар қиз қўлларида баҳор гуллари билан саҳнада фон ушлаб туради.

Йигит: - Табиат уйғониб тобора чирой очиб бормоқда. Баҳор кириб келиши билан она замин яшил либосга бурканиб, қалбларни баҳорий кайфият ила йугириб боради. Мана шундай кунларнинг рамзи Наврўздир!!!

- Наврўз бобо деҳқоннинг оқ фотиха билан даласига чиқиб ниҳол қадашидан, сулув келинчакларнинг назокат билан салом беришларидан, момоларнинг дош қозонда сумалак қайнатиб, лапару-ўлан айтишларидан бошланади.

Қиз: - Ҳа. Албатта. Наврўз халқимиз ҳаётининг энг яхши ва гўзал томонларини акс эттирувчи кўзгудир. Наврўзи - олам янги фасл, янги йил ўзининг қутлуғ қадамини қўйиши билан, нуроний оталар, мунис момоларимизни дуога қўл очиб: ризқу-насибамиз бутун бўлсин, деҳқонларимизнинг омадини, ҳосилларини баракасини берсин, ҳар бир оила, ҳар бир инсон бахтли бўлсин деб тилак қилишга ундайди.

Сўз якунида Бахорой ва Наврўзбек образлари саҳнада намоён бўлади. Йигит ва қиз саҳнанинг икки томонидан жой олади.

Наврўзбек: - Юртимизга ҳуш келдинг Баҳорой!

Сен билан яна дийдорлашмоқлик насиб этгани рост бўлсин.
Бахорой: - Гўзаллик фаслини нафаси урган сайин биз азалий байрам-Наврўзни соғинганимизни ҳис этаверамиз.
Наврўзбек: - Наврўз-меҳр-мурувват айёми, орзу-умидлар рамзи. У табиатга меҳр, эртанги кунга ишонч уйғотади.

Бахорой: - Ҳа Наврўзбек. Шунинг учун ҳам “Наврўз” улуғ-айёмдир. Боғларнинг гуллаб яшнаши билан келадиган Наврўз хонадонларимизга тинчлик-омонлик, халқимизга сихат-саломатлик ҳамда бахт келтирсин.

(Бахорой ва Наврўзбекларнинг сўзлари тугаши билан сахнадаги 20 нафар қизлар чиқиб кетадилар. Рақс ижро этадилар.)

2.