Aqsh uchun Ikkinchi jahon urushi natijalari

Amerika konservatizmining xususiyatlari
AQSH siyosiy hayotida liberalizmning asosiy raqibi sifatida konservatizm ishtirok etadi. U respublikalar partiyasi g`oyasida va siyosatida o`z ifodasini topgan. Konservatizm kambag`allar foydasiga pul undirish uchun hech qanday soliq bilan chegaralanmagan xususiy tadbirkorlikning imkon qadar rivojlanishi tarafdori. Davlat — kambag`allar uchun xudoyixona emas, —deya ta'kidlaydi ular g`oyasi va yetakchilari, —har bir kishi davlatdan sadaqa kutmasdan hayot kechirishi uchun mehnat qilib mablag` topmog`i kerak. Konservatorlar aholining ma'lum qismini ijtimoiy himoyalash tarafdori. Biroq, ularning fikricha buning uchun imkon qadar kam mablag` ajratilib, haqiqatdan muhtojlargagina berilishi lozim. Amerika konservatizmi va liberalizmi o`rtasida ularni dushman qilib qo`yadigan va ikkita siyosiy yoki ijtimoiy raqib lagerga ajratib qo`yishi mumkin bo`lgan keskin qarama-qarshilik yo`q. Ular o`rtasida mehnat taqsimotida o`ziga xoslik mavjud: liberalizm ijtimoiy barqarorlashtirish va tenglashtirish, konservatizm esa boylik to`plash vazifasini o`tash tarafdori. AQSHda saylov tizimi mexanizmi aniq ishlaydi va shu bois ichki sharoitga bog`liq holda har ikki partiya hukumat tepasiga navbatma-navbat keladi. AQSH prezidenti 26 yil davomida, ya'ni 1945-1952, 1960-1968, 1976—1980, 1992—1999-yillar demokratlardan saylangan. Qolgan 27. yil — 1952-1960, 1968-1976, 19801992-yillar esa konservatorlar, respublikachilar partiyasi vakillari ushbu lavozimga saylangan edi.

Garri Trumen
Garri Trumen - g'ayrioddiy taqdirga ega AQSh prezidenti. Uning prezidentligi, aslida, tasodifiy edi va qabul qilingan qarorlar ziddiyatli, ba'zan fojiali. Aynan Trumen Yaponiyaning Xirosima va Nagasaki shaharlarini atom bombalari bilan bombardimon qilishni ma'qullagan. Biroq, 33-Prezident qarorning to'g'riligiga qat'iy ishondi va dahshatli bosqinchilik harakati Yaponiyani taslim bo'lishga undash orqali millionlab odamlarning hayotini saqlab qolganiga ishondi. Keyinchalik u SSSR bilan sovuq urushning tashabbuskori bo'ldi.