А.ҚОдирий номидаги жиззах давлат педагогика институти мутахассислик: 5А 111801-Таълим ва тарбия назарияси ва методикаси

Мактабгача таълим муассасаларида болаларни баркамол шахс қилиб тарбиялаш воситалари
Ёшларни баркамол шахс қилиб тарбиялашда, замон билан ҳамнафас бўлган холда ахборот ва телекоммуникацион воститалардан фойдаланиш орқали кутилган натижаларга эришиш мумкин. Бу технологиялар ёрдамида биз санъат турларига бевосита мурожаат қилиш имкониятига эга бўламиз. Бизга маълумки, санъат асосий тарбия воситалари бўлиб, санъатнинг хилма-хил кўринишлари ва жанрлари ёрдамида ўқувчиларнинг ранг-тасвир, қалам тасвир ҳақидаги билимлари, ҳайкалтарошликка доир кўникма ва малакалари, ижодий қобилиятлари шакллантирилиб борилади. Расм дарслари тасвирий, амалий, архитектура санъати, ўзбек ва чет эл санъат усталарининг ижодлари, асарлари билан таништиради, ҳамда аслига кўра, хотира ва тасаввурлари асосида расм чизиш малакаларини тарбиялайди. Дарсдан ташқари суҳбатлар, кечалар, кўргазмалар ташкил этиш, музей, расмлар галереясига, санъат ёдгорликлари, рассом ва меъморлар, ҳайкалтарош устахонасига саёҳат амалий санъат тўгарагига қатнашиш, танловлар ўтказишни ташкил этилиши болалар тарбиясида муҳим воситадир.
Эстетик тарбия беришда ашула ва мусиқанинг роли бениҳоя каттадир. Мусиқа ва ашула ўқувчиларнинг мусиқавий қобилиятларини, мусиқий хотира, дидини ўстиради, Мусиқадан назарий маълумот берилади, улар ноталар, турли давралардаги мусиқа асбоблари, мусиқашуносларнинг ижоди, оқимлар, жанрлар билан танишадилар. Болалар биргаликда ашула айтишга, рақсга тушишга ўрганадилар. Бундан ташқари табиат қучоғига сайр қилдириш, ўзи яшаб турган қишлоқ, махалла, шахарнинг диққатга сазовор жойларига сайёхатлар ташкиллаштиради. Хива, Самарқанд, Бухоро, Қўқон, Қарши каби шахарлардаги қадимий обидаларни бориб кўришни истагини пайдо қилиш учун ахборот ва телекоммуникацион воситаларнинг имкониятидан фойдаланиб, юртимизда шундай шахарлар борлиги уни кўриш учун жуда узоқ ўлкалардан одамлар келишини кўрсатиб, болажонларда бу шахарларга бриш истаги уйғотилади.
Буюк сиймолар мангу қўним топган жойларга бориш, уларни зиёрат қилиш, миллий қадриятларимизни тараннум этгувчи спектакиллар ва киноларни томоша қилдириш жараёнига ота – оналарни ҳам таклиф қилиш керак. Негаки, улар уйларига боргач болажонлар билан биргаликда спектакиллар ва киноларда кўрган воқеалардаги яхшилик ва ёмонлик, сахийлик ва бахиллик, мехнатсеварлик ва ёлқовлик масалалари тахлил қилинади. Бундай ёндошув эса болажонларнинг ҳар томонлама ривожланишига ёрдам беради.
Болажонларда Ватанга мухаббат туйғусини шакллантиришда Ўзбекистон Давлат герби, байроғи, мадҳияси, яъни давлат рамзлари ҳамда эртакларда мадх этилган қахромонлар образларидан фойдаланилади.