А.ҚОдирий номидаги жиззах давлат педагогика институти мутахассислик: 5А 111801-Таълим ва тарбия назарияси ва методикаси

Биринчидан, мактабгача ёшдаги болаларнинг биологик омиллардан мухими унинг соғлиғи, ота – онасининг соғлом турмуш тарзига эгалиги. Иккинчидан, мактабгача ёшдаги болаларнинг тарбиясига жиддий таъсир этувчи омиллардан бири табиий мухит.
Учинчидан, мактабгача ёшдаги болаларни қамраб олган инсонларнинг маънавий ривожланганлик даражалари.
Тўртинчидан, ўсиб – улғайиб келаётган болага тарбия бераётган, уни қуршаб турган инсонларнинг ижтимоий тажрибаси,
Бешинчидан, мактабгача ёшдаги болаларн қуршаб турган инсонларнинг ўзаро муносабатлари. Шунинг учун ҳам мактабгача ёшдаги болаларнинг тарбиясида юқоридаги омилларга эътиборни қаратиб таълим – тарбияни олиб бориш мақсадга муоффиқдир. Ана шундагина ёш авлод баркамоллик сари дадил қадам ташлай олади.
Магистирлик ишимизнинг мавзусидан келиб чиққан ҳолода баркамол шахс тушунчасига тўхталиб ўтишни жоиз деб топдик.
Баркамол шахс – бу адолатли, виждонли, иймон-эътиқодли, меҳр-мурувватли, иродали, ор-номусли, матонатли ва чидамли, эркин фикрловчи, ўз халқининг даҳолари учун курашувчи, ҳур фикрли ва истиқлол ғоялари билан суғорилган, ўз Ватанига фидойилик билан хизмат қилувчи, тадбиркор ва ташаббускор озод шахсдир.⁷
Мактабгача ёшдаги болаларни баркамол шахс сифатида тарбиялашда уларнинг жисмоний ва ақлий жихатдан камолга эришиб боришини, маънан юксаклик сари интилишини қўллаб туриш, йўл – йўриқ кўрсатиш жараёнларини тўғри ташкиллаштириш мухим ахамият касб этади. Ўсиб – улғайиб келаётган болажонларни баркамол шахс қилиб тарбиялаш учун бутун бир тизим, оила, мактабгача таълим ташкилоти, махалла шундай фаолият кўрсатиши керакки болажонлар уларнинг қуршовида жамиятт ва давлат талаб қилаётган йигит ва қизлар сиёсий , маънавий , иқтисодий жихатдан тарбияланган бўлсин Шунинг учун ҳам таълим – тарбия жараёнларида қуйидагиларнинг шаклланишига эътибор қаратилиши керак. Бунда:
-ҳар бир ота - она мактабгача ёшдаги болажонларнинг таълим – тарбиясида энг фаол иштирокчи сифатида эътироф этилсин;
- мактабгача ёшдаги болажонлар таълим – тарбия тизимида ўзлигини англаб борсин;
- мактабгача ёшдаги болажонлар ўйин орқали оламни англасин;
- мактабгача ёшдаги болажонларни воқеа - ҳодисаларга онгли, мантиқан ёндоша олишини таъминлашга эришиш;
- мактабгача ёшдаги болажонларга аста секинлик билан жамият талабларига амал қилишга одатлантириш.
Юқоридаги таълим – тарбия тизими йўлга қўйилган тақдирдагина , биз ёш авлодни баркамоллик сари йўналтира олган бўламиз.