Anor seleksiyasi va navshunostligi

Mevalarning pishib yetilishi va iste’mol qilish muddati. Bu belgi har yili sharoitlarga qarab o ‘zgarib turadi, lekin navlar o‘rtasidagi (birin-ketin pishishi vaqtidagi) farq saqlanib qoladi:
Mevalarning yetilganligi: texnik pishish; terish davri; pishganligi; iste’mol pishish davri; botanik pishish davri (urug‘lar ham pishish davri).
Meva kattaligi — muhim sifat va miqdor ko‘rsatkichi bo‘lib, meva qimmati uning hajmi va mag‘zini rivojlanganligiga to‘g‘ri proporsional, urug‘ markazi va urug‘ kameralarining kattaligiga teskari proporsional hisoblanadi hamda ballar bilan baholanadi (meva massasi va diametriga qarab aniqlanadi).
Mevaning bir xilligi — meva o‘rtacha og‘irligining maksimal og‘irligiga nisbatining foizlarda ifodalanishi bo‘lib, u quyidagicha aniqlanadi:
o‘rtachaog‘irligi
Mevaning bir xilligi = -------------------------- x 100
maksimal og‘irligi
Bu ko‘rsatkich mevalarda — 60% gacha bo‘lsa, har xil, 80% dan ko‘p bo'lsa bir xil deyiladi.
Mevalarning tovarligi: Oliy navga toza, tanlangan, olma uchun diametri 65 mm, nok uchun diametri 55 mm dan kam bo‘lmagan, mevalar naviga xos belgilarga ega, rangi va shakli bo‘yicha bir xil, kuymagan, mexanik shikastlanmagan, sovuq urmagan, kasallik va zararkunandalar bilan zararlanmagan mevalar mansub.
1-nav mevalar toza, shakli va rangi navga xos, diametri olma uchun 60 mm dan, nok uchun 50 mm dan kam emas, kamroq (1,5 sm) dog‘lari bor. Tashqi ko‘rinishini buzmaydigan 3 sm² gacha dog‘ qoplagan, meva qurti bilan zararlanmagan.
2-nav — mevalarning shakllari har xil, tekis, diametri olma uchun 50 mm gacha, nok uchun 45 mm gacha. Har xil rangda, urilishdan qolgan 5 sm2 gacha dog‘lari, tashqi shaklini buzmaydigan po‘stidagi shikastlanishlari bo‘lishi mumkin.
3-nav — mevalar shakli har xil, ba’zan shakli aynigan, har xil rangda, diametri olmada 40 mm, nokda — 40 mm dan kam bo‘lmagan mevalar kiradi. Meva po‘sti shikastlangan, lekin chirimagan, har pishgan mevada 2 tadan ko‘p bo‘lmagan shikastlanishlar bor.