Anor seleksiyasi va navshunostligi

Nazorat savollari:

1. 
   Elita ona bog`larni tashkil etish.
   
2. 
   Ona bog`larda aprobatsiya o`tkazish xususiyatlari.
   
3. 
   Olma va o`rikning tez, o`rta va kech muddatda hosilga kiruvchi navlarini ayting.
   
4. 
   Meva ekin navlarida unumdorlik deganda nimani tushunasiz?
   
5. 
   Changlovchi navlarga bo`lgan asosiy talablar nimalardan iborat?
   

4-MAVZU. SELEKTSIYa MANBALARI VA BIRLAMChI MATERIALLAR YaRATISh. BAHO BERISh USULLARI
REJA:

1. 
   Selektsiya jarayonining mohiyati, bosqichlari.
   
2. 
   Birlamchi materiallar yaratish yo`llari va manbalari.
   
3. 
   Introduktsiya haqida ma’lumot.
   
4. 
   Duragaylash.Mutagenez. Poliploidiya.
   
5. 
   O`simliklarga baho berish usullari.
   

1. Yangi nav tariqasida oldin stantsiyalarda, keyin esa davlat. muassasalarida sinab ko`rishga mos selektsion materialni yaratishga doir ishning eng boshidan to oxirigacha selektsioner tomonidan bajariladigan chora tadbirlar majmuasi selektsiya jarayoni deb ataladi.

Bu majmuaning barcha chora - tadbirlarini amalga oshirish talaygina mablag`, mehnat va ayniqsa vaqt sarflashni talab qilidi.
Rivojlanish tsikli 2-3 yil bo`lib, urug`lardan ko`payadigan chetdan changlanuvchi o`simliklar (piyoz, karam, sabzi, lavlagi)ning navlarini yetishtirib chiqarish uchun, 10-11 yil; urug`lardan ko`payadigan o`zidan changlanuvchi o`simliklar (pomidor, salat, no`xat) navlarini yetishtirib chiqarish uchun esa 7-10 yil kerak bo`ladi. Vegetativ yo`l bilan ko`payadigan o`simliklar (sarimsoq, kartoshka) navlarini chiqarish uchun bir oz kamroq vaqt talab etiladi.
Chora-tadbirlarning qanday maqsadni ko`zda tutib bajarilishini, qo`llaniladigan usul amallarning xususiyatlarini hisobga olib turib, selektsiya jarayonini uch bosqichga ajratish mumkin: tanlash uchun dastlabki materialni saralab olish va yaratish; tanlash; sinab ko`rish (sxema 1).