Андижон машинасозлик институти с-49-20 Иқтисодиёт гуруҳи талабаси Аҳмедов Шокиржон Шукуржон ўғлининг

Илмий абстракция усули – таҳлил пайтида ҳалал бериши мумкин бўлган иккинчи даражали нарсалар, воқеа-ҳодисаларни фикрдан четлаштириб, ўрганилаётган жараённинг асл моҳиятига эътиборни қаратишдир.
Таҳлил – бу ўрганилаётган бир бутунни алоҳида қисмларга ажратиш ва уларни изчиллик билан ўрганишдир.
Мисол учун, Ўзбекистондаги иқтисодий ўсиш суръати 2009 йилда 8,1 фоизни ташкил этганини биламиз. Бундай ўсиш суръатига нималар ҳисобига эришилганини аниқ тасаввур қилиш учун эса фақат таҳлилий жараёнлар орқали эришилади. Яъни ялпи ички маҳсулотнинг ишлаб чиқариш, даромадлар ва ҳаражатлар, мулкчилик шакллари, тармоқлар ва минтақалар бўйича таркибий қисмларини алоҳида ажратиб олиш ва уларни ўрганиш орқали ўсиш суръатининг манба ва омиллари тўғрисида тўғри ҳулоса чиқариш мумкин.
Синтез – бу ўрганилган қисмлардан олинган хулоса ва натижаларни бир бутун яхлит жараён деб қараб умумий хулоса чиқаришдир.
Масалан, нархнинг илмий асосини очиб беришда А.Маршаллнинг қийматнинг турли назарияларини синтез қилиш усулидан фойдаланганлигини кўрсатиш мумкин.
Мантиқийлик ва тарихийликнинг бирлиги усули - иқтисодиёт назариясида тарихийлик далили тарихий ривожланиш нуқтаи назаридан тадқиқот олиб бориш зарурлигини тақозо қилади. Чунки иқтисодий жараёнлар тарихий жараён сифатида ривожланади. Мантиқийлик усулида жараёнлар фақатгина тарихий нуқтаи назардан эмас, шу билан бирга асосий ички зарур қонуний боғланишлар бўйича ҳам таҳлил қилинади. Масалан, биз пулнинг иқтисодий табиатини ўрганишда унинг тарихий жиҳатлари, жумладан, қиймат шаклларининг ривожланишини кўриб чиқамиз. Бу эса, биздан тарихга, товар-пул муносабатларининг дастлабки куртаклари пайдо бўлган жамиятга қайтиб, ўша даврдаги иқтисодий муносабатларни таҳлил қилишни тақозо этади. Бироқ, бу ҳолат ўтмишдаги барча иқтисодий муносабатларга эмас, балки айнан пулнинг дастлабки асослари билан мантиқий боғланган муносабатларгагина тааллуқлидир.
Тарихийлик ва мантиқийликнинг бирлиги усули - ҳодиса ва жараёнларни ҳаракат ва ривожланишда олиб қараш билан бир қаторда уларнинг мантиқан мослиги ва аҳамиятлилигини таъминланишидир.