Андижон фарзанди Захириддин Муҳаммад ибн Умаршайх мирзо Бобур таваллудининг 535 йиллиги муносабати билан Ўзбекистон ёшлар иттифоқи Андижон давлат университети бошланғич ташкилоти томонидан ўтказилган тадбирлар

Андижон фарзанди Захириддин Муҳаммад ибн Умаршайх мирзо - Бобур таваллудининг 535 йиллиги муносабати билан Ўзбекистон ёшлар иттифоқи Андижон давлат университети бошланғич ташкилоти томонидан ўтказилган тадбирлар
ҲИСОБОТИ

2018 йил 13 февраль куни Андижон давлат университетида шох ва шоир, маҳоратли саркарда, ўзбек мумтоз шеъриятининг, ўзбек насрининг забардаст устунларидан бири, “Бобурнома”дек мемуар асари орқали илм-фаннинг 10 дан зиёд соҳалари ривожига улкан хисса қўшган қомусий аллома, Андижон фарзанди Захириддин Муҳаммад ибн Умаршайх мирзо - Бобур таваллудининг 535 йиллиги муносабати билан “Саодат соҳили” мавзусида маданий-маърифий тадбир ўтказилди. Тадбирда Ўзбекистон ёшлар иттифоқи Андижон давлат университети бошланғич ташкилоти фаолари томонидан Захириддин Муҳаммад ибн Умаршайх мирзо - Бобур ғазалларидан наъмуналар ўқилиб, унинг ғазаллари билан ижро этиладиган куй ва қўшиқлар тадбир қатнашчиларига хавола этилди. Тадбирда 320 нафардан ортиқ профессор-ўқитувчилар ҳамда талабалар томошабин сифатида иштирок этди. Университет ректори барча тадбир қатнашчиларини қизғин табриклаб, Бобур хаёти ва ижоди тўғрисида гапириб ўтди. Тадбир қатнашчиларига Бобур хаёти ва ижодига бағишланган видеоролик намойиш этилди. Ўзбекистон ёшлар иттифоқи Андижон давлат университети бошланғич ташкилоти ҳамда университет ходимлар ва талабалар касаба уюшмаси қўмитаси томонидан тадбирда фаол иштирок этган Ёшлар иттифоқи фаолларининг 40 нафарига “Бобурнома” китоби эсдалик совға сифатида тақдим этилди.