Андижон давлат университети ҳузуридаги илмий даража берувчи phD

Тадқиқотнинг илмий янгилиги 
қуйидагилардан иборат:
мустақиллик даври болалар шеъриятида бадиий экспрессивликнинг 
таъминланишида фонетик оҳангдорликка хизмат қилувчи ассонанс ва 
аллитерациянинг ўрни устувор эканлиги далилланган; 
болалар шеъриятида асос ва ясама ҳолда, лексема ва бирикма 
кўринишида қўлланган шаклдош сўзларнинг экспрессивлик талабига кўра 
лексик поэтизмни ҳосил қилиши аниқланган; 
болаларга аталган шеърий асарларда маънодош сўзларнинг якка, жуфт, 
уюшган ҳолда қўлланилиб, асарга кўтаринки руҳ олиб кириши, бадиий 
таъсирчанликни ошириши лингвопоэтик жиҳатдан далилланган; 

---

10 
болалар нутқида фаол учровчи турғун (барқарор), муваққат, 
кучайтирилган (метафорик) ўхшатишларнинг, жонлантиришларнинг ташхис 
ва 
интоқ 
кўринишлари 
аниқланиб, 
уларнинг 
болалар 
нутқини 
такомиллаштириши далилланган. 
Тадқиқотнинг амалий натижалари 
қуйидагилардан иборат:
ўзбек болалар шеъриятида қўлланган унли ва ундош товушлар, 
қўшимчаларнинг поэтизмни ҳосил қилишдаги ўрни аниқланган;
шаклдош, маънодош ва зид маъноли сўзларнинг бадиий таъсир кучи 
мисоллар ёрдамида кўрсатилган; 
ўхшатиш, сифатлаш, жонлантириш, муболаға, такрор каби бадиий 
тасвир воситалари ёрдамида болалар ижодкорларининг маҳорат қирралари 
очиб берилган;
ёш авлод тарбиясида, дунёқарашини юксалтиришда болалар 
шеърларининг ўрни белгиланган.
 
Тадқиқот 
натижаларининг 
ишончлилиги 
муаммонинг 
аниқ 
қўйилиши, чиқарилган хулосаларнинг қатъийлиги, ўзбек болалар шеъриятига 
хос бўлган лингвопоэтик усуллардан фойдаланилганлик ва шеърлар 
таҳлилида ўзбек тили табиати ҳамда болаларнинг ёш ва психологик 
хусусиятларидан келиб чиққанлиги кабилар билан асосланади.