Андижон давлат университети ҳузуридаги илмий даража берувчи phD

 
Тадқиқот натижаларининг илмий ва амалий аҳамияти. 
Тадқиқот 
натижаларининг илмий аҳамияти ўзбек болалар шеъриятининг лингвопоэтик 
хусусиятлари аниқланганлиги, болалар шеъриятига хос бўлган бадиий тасвир 
воситаларини тадқиқ этишнинг назарий асосларига доир янги илмий 
қарашлар баён этилганлиги билан белгиланади.
Тадқиқот натижаларининг амалий аҳамияти диссертацияда келтирилган 
фикр-мулоҳазалар ўзбек тили лингвопоэтикасини назарий жиҳатдан 
бойитишга хизмат қилиши, унинг натижалари ва таҳлиллардан 
«Лингвопоэтика», «Бадиий асар тили», «Бадиий матннинг лингвистик 
таҳлили», «Ўзбек болалар адабиёти» фанлари бўйича дарсликлар ва ўқув 
қўлланмалари яратишда фойдаланиш мумкинлиги билан белгиланади.
Тадқиқотнинг натижаларининг жорий қилиниши. 
Мустақиллик 
даври ўзбек болалар адабиёти лингвопоэтикасини тадқиқ этиш бўйича 
олинган натижалар асосида: 
фонопоэтика, морфопоэтика, лексик поэтика билан боғлиқ бўлган илмий 
натижаларидан, шеърий асарларда қўлланган бадиий тасвир воситаларининг 
поэтизмни ҳосил қилишдаги хулосаларидан А-1-61 рақамли «Кўриш 
имконияти чекланган талабалар учун тилшунослик фанлари бўйича 
аудиокитоб таъминотини яратиш» номли амалий лойиҳаси асосида 
аудиомаълумотлар тўпламини тайёрлашда фойдаланилган (Тошкент давлат 
ўзбек тили ва адабиёти университетининг 2021 йил 6 сентябрдаги
01/4-1465-сон маълумотномаси). Натижада болаларда шеърий нуқтни ҳис 
қилиш, унда қўлланган бадиий тасвир воситаларидан завқланиш 
кўникмалари ривожланган; 
болалар шоирларининг асарларида қўлланган инсон қиёфаси,
феъл-атвори тасвирини ифодаловчи лексик поэтизмлар ҳақидаги фикр ва 

---

11 
мулоҳазалардан Тошкент давлат ўзбек тили ва адабиёти университетида 
бажарилган И-ОТ-2019-42 рақамли “Ўзбек ва инглиз тилларининг электрон 
(Инсон қиёфаси, феъл-атвори, табиат ва миллий тимсоллар тасвири) поэтик 
луғатини яратиш” мавзусидаги фундаментал илмий лойиҳада фойдаланилган 
(Тошкент давлат ўзбек тили ва адабиёти университетининг 2021 йил
20 ноябрдаги 04/1-2239-сон маълумотномаси). Натижада луғатнинг 
салоҳияти ошган, фойдаланиш имкониятлари кенгайган; 
Анвар Обиджон, Турсунбой Адашбоев, Кавсар Турдиева каби таниқли 
болалар шоирлари томонидан қўлланган лингвопоэтик усуллари ва 
воситаларидан «O‘zbekiston» телеканали давлат муассасасининг «Ассалом, 
Ўзбекистон!”» ва «Адабий ўқиш» кўрсатувларида фойдаланилган 
(O‘zbekiston Milliy teleradiokompaniyasi «O‘zbekiston» давлат муассасасининг 
2021 йил 26 ноябрдаги 10-14-1570-сон маълумотномаси). Натижада ушбу 
телеканалнинг 10 та кўрсатуви учун тайёрланган материалларнинг мазмуни 
мукаммаллашган; 
болалар нутқини ўстириш, уларни бадиий асарни тушунишга даъват 
этиш мақсадида диссертацияда қўлланган лингвопоэтикага бой матнлардан 
«O‘zbekiston–24» радиоканалининг «Radiomuloqot», «Ta’lim va taraqqiyot» 
эшиттиришларида 
унумли 
фойдаланилган 
(O‘zbekiston 
Milliy 
teleradiokompaniyasi «O‘zbekiston–24» радиоканали давлат муассасасининг 
2021 йил 6 сентябрдаги 03-09-532-сон маълумотномаси). Натижада ушбу 
эшиттиришларнинг оммабоплиги таъминланиб, таъсирчанлиги ошган.