Андижон давлат университети тарих факультети

5.6. Матнда адабиётлардан фойдаланилганлик белгиларини келтириш.
Курс ишини ёзиш жараёнида талаба илмий адабиётларда келтирилган бошқа маълумотларни келтириши мумкин. Бундай ҳолларда матнда ушбу адабиётлардан фойдаланганлик белгиси қўлланилади.
5.7. Адабиётлар рўйхатини тузиш
Ишда фойдаланилган адабиётлар рўйхати курс ишининг хулоса қисмидан кейин келтирилади. Рўйхатга фақат курс ишини тайёрлаш жараёнида талаба томонидан фойдаланилган адабиётлар, мақолалар, тезислар, авторефератлар, депонирланган илмий ишлар ва патентлар ҳамда INTERNET-сайтлар киритилади.
Амалдаги "Ҳужжатларни библиографик рўйхатга олиш" давлат стандартига мувофиқ илмий ишларда, жумладан курс иши ва магистрлик диссертацияларда фойдаланилган адабиётлар рўйхатида куйидагилар келтирилади:
• Китоб ва монографиялар учун:
- Муаллиф (лар)нинг фамилияси тўлиқ, исми ва отасининг исми бош ҳарфларда, китобнинг номи, нашр жойи (шаҳар), нашриёт номи, нашр йили, бетлари.
Агар муаллифлар 2 та бўлса, уларнинг исми ва шарифи келтирилади, 3 та ва ундан ортиқ бўлса, фақат 1-муаллифнинг фамилияси келтирилиб "ва бошқалар" деган қўшимча киритилади. Китобнинг номи шаҳар (нашр жойи)дан чизиқча (-) билан ажратилади.
• Тўпламдаги мақолалар ва тезислар учун :
- Муаллиф(лар)нинг фамилияси, исми ва отасининг исми бош ҳарфлари, мақола номи, тўпламнинг номи, нашр жойи (шаҳар), нашриёт номи, нашр йили, бетлари. Тўпламдаги мақола номи тўплам номидан // белгиси билан ажратилади (4-илова).
• Журналлардаги мақолалар учун:
- Муаллифнинг фамилияси, мақола номи, журнал номи, йили, бетлари. Мақола номи ҳам журнал номидан // белгиси билан ажратилади (4-илова).
• Энциклопедиялар, манбалар, аниқлагичлар учун:
- Китобнинг номи, нашр жойи (шаҳар), нашриёт номи, йили, қисми (том), бетлари.
• Депонирланган илмий ишлар учун:
- Муаллифнинг фамилияси, илмий иш номи, депонирланган жойи, шаҳар, йили, бетлари, тартиб рақами.
Курс ишида фойдаланилган манбалар “Адабиётлар рўйхати”да алфавит бўйича жойлаштирилади. Талаба томонидан ишда фойдаланилган ҳорижий адабиётлар рўйхатнинг охирида жойлаштирилади. Агар талаба айрим маълумотларни INTERNET дан олган бўлса, муаллиф ва ишнинг номи, кейин WЕB-сайти кўрсатилади.