Андижон давлат университети тарих факультети

5.1. Кириш қисми
Кириш қисмида талаба ўрганаётган масаланинг долзарблиги ва унинг аҳамиятини асослаши талаб этилади. Бунинг учун қуйидаги кетма-кетликда масалаларни ёритиши лозим бўлади:
• мавзунинг долзарблиги;
• ишнинг мақсади ва вазифалари;
• ишдаги илмий янгиликлар ва эришилган натижалар;
• ишнинг амалий аҳамияти;
• курс ишининг тузилиши (ҳажми, боблар, адабиётлар сони ва б.) тўғрисидаги умумий маълумотлар келтирилади.
5.2. Адабиётлар таҳлили
Бобда ўрганилган адабиётлар, меъёрий ҳужжатлар, илмий мақолалар, патентлар ва бошқа манбалардан тўпланган маълумотлар тўла таҳлил қилинади. Улардан олинган маълумотларни қисқа ва лўнда қилиб ифодалаш зарур.
5.3. Танланган объектлар ва тадқиқот методлари
Ушбу бобда тадқиқот олиб борилаётган объектнинг қисқача умумий тавсифи берилади ва тадқикот методлари баён этилади. Ишни бажаришда фойдаланилган асбоб-ускуналар, қурилмалар. ишлаб-чиқариш тизимлари, тўпланган материаллар, маълумотлар ва кўрсаткичларни жамлашда қўлланилган услублар келтирилади.
5.4. Асосий қисм боблари
Одатда асосий қисм 2-3 та бобдан иборат бўлиб, олинган тадқиқот натижалари ва уларнинг таҳлили ёритилади. Талаба томонидан тўпланган материаллар таҳлил қилинади, олинган натижалар, янгиликлар илмий жиҳатдан асосланади ва мавжуд манбаларга таққосланади. Айниқса, олинган натижаларнинг янгилиги ва ишончлилик даражаси яққол кўрсатилиши зарурдир. Агар талаба мавзу бўйича олинган натижаларини танқидий баҳолай олса, муҳим ва ижобий хулосаларини асослай олса курс ишининг қиймати янада ошади. Асосий қисм бобларида расмлар, чизмалар ва жадваллар матн ичида ҳам келтирилиши мумкин.
5.5. Хулоса қисми
Курс ишининг хулоса қисмида иш бўйича чиқарилган хулоса ва тавсиялар ёритилади. Хулоса ва тавсиялар аниқ ва тушунарли қилиб баён қилиниши керак.
Кафедра ҳайъати томонидан иш баҳоланаётганда талаба унинг хулоса қисмида ишлаб чиқаришга амалий таклиф ва тавсиялар берганлигига алоҳида балл беришларини ҳисобга олиши зарур.