Andijon davlat tibbiyot instituti

Novogalen preparatlar

Damlama, qaynatma, tindirma, ekstraktlar galen preparatlari deyilib, faqat ichishga mo‘ljallangan. Farmatsevtik sanoatda galen preparatlarini tozalab novogalen preparatlari tayyorlanadi. Novogalen preparatlari keraksiz moddalardan maksimal tozalangan va maxsus nomga ega bo‘ladi, shuning uchun ularni ichish uchungina emas, parenteral ham yuboriladi. Ichish uchun flakonlarda, in’eksiya uchun ampulalarda chiqariladi. Masalan: lantozid (Lantozidum), digalen-neo (Digalen-neo), gitalen (Gitalenum) va boshqalar. Retsept faqat qisqartirilgan ko‘rinishda yoziladi:

Misol: 15 ml digalen-neo (Digalen-neo, Digalen-neo) novogalen preparati. Kuniga 2 mahaldan ichish uchun buyurilsin. O‘DM 15 tomchi.

Rp.: Digalen-neo 15 ml

(Digalen-neo)
D.S. 15 tomchidan kuniga 2 mahal ichish uchun.

1 ml digalen-neo (Digalen-neo, Digalen-neo) tutuvchi ampuladan 10 ta. Kuniga 1 marta teri ostiga yuborish uchun buyurilsin. O‘DM 1 ml.

Rp.: Digalen-neo 1 ml

(Digalen-neo)
D.t.d. N. 10 in amp.
S. 1 mldan teri ostiga kuniga 1 marta yuborish uchun.


Miksturalar – Mixturae
(Mikstura - bosh kelishik birlikda Mixtura, karatkich kelishik birlik Mixturae, qisqartmasi Mixt.)

Miksturalar 3 yoki undan ortiq moddalar tutuvchi suyuq dori shaklidir. Ular biror suyuq doriga boshqa biror dorini qo‘shish bilan, yoki dorining ta’mi va hidini yaxshilash maqsadida yordamchi moddalar qo‘shish bilan tayyorlanadi. Miksturalar ko‘proq ichish uchun qoshiqlarda, ba’zida sirtga buyuriladi. Miksturalarga retsept kengaytirilgan ko‘rinishda yoziladi, tarkibiy qismlari ko‘rsatilib M.D.S. bilan tugallanadi.

Misol: Bahorgi adonis (Adonis vernalis, Adonis vernalis) o‘tining 1:30 nisbatdagi damlamasi va natriy bromidi (Natrii bromidum, Sodium bromide - O‘DM 6 dg)dan iborat miksturani 1 osh qoshiqdan kuniga 3 mahaldan 4 kun mobaynida ichishga buyurilsin.

3 x 4 x 15 ml = 180 ml Rp.: Inf. herbae Adonidis vernalis 6,0-180 ml

1 g dan – 30 ml (Adonis vernalis)
X g dan – 180 ml Natrii bromidi 7,2
X = 180x1/30 = 6 g (Sodium bromide)
0,6 x 12 = 7,2 g M.D.S. 1 osh qoshiqdan kuniga
3 mahal ichish uchun.

Har qabulga natriy benzoati (Natrii benzoas, Natrii benzoas) 1 dg, natriy gidrokarbonati (Natrii hydrocarbonas, Sodium bicarbonate) 2 dg, novshadil anis (Liquoris ammonii anisatus, Liquoris ammonii anisatus) tomchisi 0,4 mldan, hammasi bo‘lib 12 ta qabulga 1 osh qoshiqdan kuniga 3 mahal ichish uchun buyurilsin

0,1 g x 12= 1,2 g Rp.: Natrii benzoatis 1,2

0,2 g x 12= 2,4 g (Natrii benzoas)
0,4 ml x 12= 4,8 ml Natrii hydrocarbonatis 2,4
15 ml x 12= 180 ml (Sodium bicarbonate)
Liquoris ammonii anisati 4,8 ml
(Liquoris ammonii anisatus)
Aq. destill. ad 180 ml
(Aqua destillata)
M.D.S. 1 osh qoshiqdan kuniga 3 mahal ichish uchun.

Maxsus nomli ofitsinal miksturalar (astmaga qarshi mikstura, Bexterov miksturasi va boshqalar) qisqartirilgan ko‘rinishda yozilishi mumkin.

Rp.: Mixturae antiasthmaticae Trascovi 200 ml
(Comb. drug)
D.S. 1 choy qoshiqdan kuniga 2 mahal ovqatdan
keyin ichish uchun.