Анъанавий, ривожлантирувчи ва инновацион таълим м. А. Абиджанова

АНЪАНАВИЙ, РИВОЖЛАНТИРУВЧИ ВА ИННОВАЦИОН ТАЪЛИМ

М.А.Абиджанова

Семинар машғулоти

Режа: 1.Анъанавий талимнинг афзалликлари ва камчиликлари. 2.Ривожлантирувчи таълимнинг ўзига ҳосликлари. 3.Инновацион таълимнинг ҳозирги кундаги аҳамияти.

Адабиётлар: 1.Ҳошимов К., Нишонова С., Иномова М., Ҳасанов Р. Педагогика тарихи. – Т.: Ўқитувчи, 1996.. 2.Ҳошимов К., Сафо Очил. Ўзбек педагогикаси антологияси. – Т.: Ўқитувчи, 2010. 3.Ниёзов Г., Ахмедова М. Педагогика тарихидан семинар машғулотлари. – Т.: НОШИР, 2011. 4.Голиш Л.В., Файзуллаева Д.М. Педагогик технологияларни лойиҳалаштириш ва режалаштириш. – Т.: ТДИУ, 2010. 5.Йўлдошев Ж.Ғ., Усмонов С. Илғор педагогик технологиялар. – Т.: Ўқитувчи, 2004. 6.Толипов Ў.Қ., Усмонбоева М. Педагогик технология: назария ва амалиёт. – Т.: Фан, 2005.

Ҳар қандай фаолият технология ёки санъат бўлиши мумкин. Санъат ҳис туйғуга асосланади, технология фанга таянади. Санъатдан барча фаолият бошланади, технология билан тугалланади. Б.П.Беспалько

Анъанавий ўқитиш шакллари ўнлаб йиллар ўтказилган тадқиқотлар натижаси шуни кўрсатадики, анъанавий дарс ўтиш таълимнинг самарали моделларидан бири бўлиб қолмоқда. Анъанавий дарс –муайян муддатга мўлжалланган, таълим жараёни кўпроқ ўқитувчи шахсига қаратилган, мавзуга кириш, ёритиш, мустаҳкамлаш ва якунлаш босқичларидан иборат таълим моделидир. Ўқув материали янги ва анча мураккаб бўлганда, анъанавий дарс кўп ҳолларда таълим жараёнининг бирдан-бир методи бўлиб келмоқда.. Шу боис, баъзида анъанавий дарсни марказида ўқитувчи турган ўқитиш усули деб ҳам аташади.

Анъанавий дарс ўтиш моделида кўпроқ маъруза, савол-жавоб, амалий амалий машқ каби методлардан фойдаланилади. Шу сабабли, бу ҳолларда анъанавий дарс самарадорлиги анча паст бўлиб, ўқувчилар таълим жараёнининг пассив иштирокчиларига айланиб қоладилар. Анъанавий дарс шаклини сақлаб қолган ҳолда, унга турли-туман ўқувчилар фаоллигини оширадиган методлар билан бойитиб борилса, ўқувчилар ўзлаштириш даражасини кўтарилишига олиб келади.