Amaliy matematika” fakulteti, “biotexnologiya” kafedrasi, 5320500-“Biotexnologiya”(tarmoqlar bo`yicha) yo‘nalishi 150-20- guruh II bosqich talabasi abdurasulov akbarjon to’lqin o`g`lining

Tadqiqotning ilmiy yangiligi quyidagilardan iborat:
Ferula tadshikorum va F. foetida turlarining urugʼ unuvchanligi va plantatsiya sharoitida ularning biomorfologik xususiyatlari aniqlangan;
Ferula tadshikorum va F. foetida turlarining turli xil muddatlarda, chuqurliklarda, qalinlikda va turli tuproqlarda oʼsishi hamda rivojlanishi aniqlangan;
Jizzax va Qashqadaryo viloyatlarining adir va choʼl mintaqasi lalmi sharoitida F. tadshikorum va F. foetida turlarini urugʼdan ekib koʼpaytirish va plantatsiyalar yaratish istiqbollari ilmiy asoslangan;
F. tadshikorum va F. foetida turlari koʼchatlarining yillar davomida saqlanuvchanligi ochib berilgan.
Tadqiqotning amaliy natijalari quyidagilardan iborat:
adir mintaqasida lalmi sharoitda F. tadshikorum va F. foetida urugʼlarini ekish muddatlari, ekish chuqurligi va meʼyorlari, turli tuproqlarda ekilganda ularning unib chiqishi boʼyicha tavsiyalar ishlab chiqilgan;
F. tadshikorum va F. foetida turlarining smola olishgacha boʼlgan davrigacha koʼchatlarini saqlanib qolishi va gektariga sarf boʼladigan urugʼ miqdori aniqlangan.
Tadqiqot natijalarining ishonchliligi ishda klassik va zamonaviy usullarning qoʼllanilgani hamda ilmiy yondashuvlar, tahlillar asosida olingan natijalarning nazariy maʼlumotlarga mos kelishi, ularning yetakchi ilmiy nashrlarda chop etilgani, ilmiy hamjamiyat tomonidan davlat fundamental loyihalarini bajarish davomida tan olingani, morfometrik maʼlumotlarning Biostat dasturida statistik tahlil qilinligi va amaliy natijalarning vakolatli davlat va xalqaro tashkilotlar tomonidan tasdiqlangani hamda amaliyotga joriy etilgani bilan izohlanadi.
Tadqiqot natijalarining ilmiy va amaliy ahamiyati. Tadqiqot natijalarining ilmiy ahamiyati Oʼzbekistonda adir va choʼl mintaqalarida F. tadshikorum va F. foetida turlarining biomorfologik xususiyatlari va ularni lalmikor maydonlarda ekib oʼstirish imkoniyati mavjudligi ilmiy asoslangani bilan izohlanadi.
Tadqiqot natijalarining amaliy ahamiyati – lalmikor maydonlarga F. tadshikorum va F. foetida urugʼlaridan ekib, plantatsiyalar tashkil etish yoʼli bilan farmatsevtika sanoatini xom ashyo bilan taʼminlash, F. tadshikorum va F. foetida oʼsimligi ildizlariga zarar yetkazmasdan smola olish yoʼllari ishlab chiqishda asos boʼlib xizmat qiladi.