Amaliy mashg`ulotni o`qitish texnologiyasi Amaliy mashg`ulot rejasi

Ishni bajarish tartibi
Barcha oqsillar qizdirilganda cho’kmaga tushadi. Turli oqsillarning cho’kmaga tushish temperaturasi turlicha bo’ladi. Oqsillar isitilganda sekin – asta cho’ka borib, ma’lum temperaturaga yetganda butunlay cho’kib denaturatlanadi.
Turli oqsillarning temperatura ta’sirida cho’kmaga tushishida suyuqlikning pH i va elektrolitlarning konsentrasiyasi ham ahamiyatga ega.
Ko’pchilik oqsillar, odatda, manfiy (-) zaryadli bo’lgani uchun, ularning izoelektrik nuqtasi kislotali muhitda bo’ladi. Shuning uchun kuchli kislotali muhitda qayta zaryadlanib [musbat (+) zaryadli bo’lib] eritmaning turg’unligi ortadi.
Beshta probirka olib, ularning har qaysisiga 2 ml dan oqsilning neytral eritmasidan quyiladi va quyidagi tajribalar uchun ishlatiladi:

1. 
   Birinchi probirkadagi oqsil eritmasi qizdiriladi. Eritmaning muhiti neytral bo’lgani uchun oqsil tezda cho’kadi.
   
2. 
   Ikkinchi probirkadagi oqsil eritmasiga sirka kislotaning 1 prosentli eritmasidan 1-2 tomchi tomizib, eritma qaynagungacha qizdiriladi. Muhit kuchsiz kislotali bo’lganligi uchun oqsil cho’kadi.
   
3. 
   Uchinchi probirkadagi oqsil eritmasiga sirka kislotaning 5 prosentli eritmasidan 1 ml qo’shib qaynagungacha qizdiriladi. Muhit kuchli kislotali bo’lgani uchun oqsil cho’kmaga tushmaydi.
   
4. 
   To’rtinchi probirkadagi oqsil eritmasiga sirka kislotaning 5 prosentli eritmasidan 1 ml solinadi va unga natriy xloridning to’yingan eritmasidan 2-3 tomchi qo’shib qizdiriladi. Muhit kuchli kislotali bo’lishiga qaramay elektrolit (Na⁺ + Cl^-) ishtirok qilgani sababli oqsil cho’kadi.
   
5. 
   Beshinchi probirkadagi oqsil eritmasiga 1 ml chamasi 5 prosentli ishqor eritmasidan solib qizdiriladi, cho’kma hosil bo’lmaydi.
   

Oqsillarni ammoniy sulfat yordamida cho’ktirish(tuzlanish).
Kerakli jihoz va reaktivlar: Probirka,pipetka, oqsil eritmasi, (NH₄)₂SO₄ to’yingan eritmasi, suv