amaliy mashg‘ulotlar uchun o‘quv materiallari 1-mavzu. Dori va dorivor moddalar texnologiyasi fani Darsning maqsadi

c) 1,8 g kalsiy karbonatni hovonchaga solib maydalanadi va uning ustiga 5—6 tomchi (0,18 g) suyuq belladonna ekstrakti eritmasi (1:2) tomiziladi, so‘ngra bir xil sochiluvchan poroshok hosil bo‘lguncha aralashtiriladi. Tayyor poroshok 0,33 g dan mumli yoki parafinli kapsulaga qadoqlanib, qog‘oz xaltachaga solinadi. Tegishli yorliq yopishtiriladi.
Pasporti:
Kalsiy karbonat 1,8
0,3*6=1,8
Belladonna suyuq ekstrakti (1:2) -0,09 gr (V –VI gtt)
0,015 * 6= 0,09
0,09 * 2 = 0,18
m_umumiy =1,8 * 0,18 = 1,98 gr
m = 1 ta poroshokning og‘irligi 1,98 ∕ 6 = 0,33 gr
Retsept tayyorlanib bo‘lgandan so‘ng, uni orqasida qaysi ekstraktdan foydalanilgani albatta ko‘rsatilishi kerak.


Efir moyi qo‘shib poroshok tayyorlash
Efir moyi poroshok tarkibiga qand bilan aralashgan holda qo‘shiladi va bu aralashmani efir moy-qand aralashmasi (eleosaccharum) deb ataladi. Efir moyi poroshok tarkibiga ta‘sir etuvchi va ma‘lum ta‘m beruvchi modda sifatida ham qo‘shiladi.
Efir moy-qand aralashmasi (2,0 g qandga 1 tomchi efir moyi qo‘shib tayyorlanadi). (Ammo efir moy-qand aralashmasi atirgul va achchiq apelsinning efir moyidan tayyorlanadigan bo‘lsa, u holda 4,0 g qandga 1 tomchi efir moyi qo‘shiladi.) Efir moy-qand aralashmasi kerak bo‘lganda tayyorlanadi, chunki efir moylari oddiy sharoitda ham uchuvchan bo‘ladi. Tayyor efir moy-qand aralashmasi og‘zi jips berqiladigan shisha idishlarda, miqdorlarga bo‘lingani esa pergament qog‘ozlarda beriladi.
Rp.: Elaeosacchari Menthae 0,4
Natrii hydrocarbonatis 0,1
Misce fiat pulvis
Da tales doses N10
Signa. Kuniga bitta poroshokdan 3 mahal ichirilsin.
Pasporti: Yalpiz moyi 2 tomchi
qand poroshogi 4,0
Natriy gidrokarbonat 1,0
m_umumiy = 1 * 4=5 g
m = 1 ta poroshokning og‘irligi 5 ∕ 10 = 0,5 gr
Tayyorlanishi: 4 g qand kukuni hovonchaga solib yaxshilab maydalanadi, uning ustiga 2 tomchi yalpiz efir moyi tomizib aralashtiriladi. Tayyor bo‘lgan yalpiz efir moy-qand aralashmasi pergament qog‘ozga olib qo‘yiladi. So‘ngra hovonchaga 1,0 g natriy gidrokarbonat solib maydalanadi, uni ustiga tayyorlab quyilgan yalpiz efir moyi-qand aralashmasi solib, sochiluvchan poroshok hosil bo‘lguncha aralashtiriladi. Tayyor poroshok 0,5 g dan pergament qog‘ozga qadoqlanib, qog‘oz xaltachaga solinadi, so‘ng kerakli yorlik yopishtiriladi.