Amaliy mashg`ulot№1. Mavzu: Ishlab chiqarishda ish kuni xronometraji,mehnatning og`irligi va keskinligi(zo`riqish) ni baholashni o`rganish

Kasb kasalliklarini(zaharlanishlarni)ro‘yxatga olish va hisobga kiritish tartibi:Sanitariya epidemiologiya nazorat markazlarida, kasb kasalliklarga duchor bo‘lganlarni ro‘yxatga olish va ular salomatligi va ishlash qobiliyati ustidan doimiy nazorat olib borish maqsadida har bir yangi kasallik maxsus 363/u formadagi “Kasb kasalliklar hisobga olish jurnalida qayd etilgan(5-ilova).Bu jurnal DSENMning bosh vrachi buyrug‘iga asosan belgilangan xodim tomonidan o‘z vaqtida to‘ldirib boriladi,(xabarnomalar va taftish qaydnomalari asosida).
Kasb kasalliklar xaqidagi hisobot o‘zidan yuqori turuvchi DSENMga yiliga ikki marotaba(har olti oyda bir marotaba)hisobot muddati tugagandan so‘ngi oyning 5 kunidan kechiktirmay(maxsus EXM uchun mo‘ljallangan152/u– formadagi“Kasb kasalliklarini hisobga olish kartasi”ni (6 ilova)) to‘ldirish yo‘li bilan olib boriladi.
Kasb kasalliklarini xabar qilish, tekshirish, qayd qilish va hisobga olish tartibi haqida yo‘riqnoma.
Mazkur yo‘riqnoma barcha davolash-profilaktika muassasalari uchun zaruriydir(barcha turdagi ambulator–poliklinika va shifoxona muassasalari, ilmiy-tadqiqot va tibbiyot institutlari, sanitariya-epidemiologiya nazorat markazlari), yo‘riqnomani qo‘llash muddati uni tasdiqlagan kundan hisoblanadi.
O‘zbekiston Respublikasida kasb kasalliklarini hisobga olish tizimi quyidagilar uchun mo‘ljallangan:

• 
  kasb kasalliklarini nazorat qiluvchi sanepidstansiyalariga zudlik bilan xabar qilish;
  
• 
  kasb kasalliklari hodisalarini maxsus tekshiruvini o‘tkazish;
  
• 
  zararli ishlab chiqarish omillarining odam salomatligiga ta’sir etishini bartaraf etish va ularning oldini olish bo‘yicha chora-tadbirlar o‘tkazish;
  
• 
  O‘zbekiston Respublikasida kasb kasalligiga chalinish holatini tahlil etish va kasb kasalliklarini profilaktika qilishning mukammal dasturlarini va nazorat etish usullarini amaliyotga joriy etish;
  
• 
  aholi salomatligi haqidagi ma’lumotlarning umumiy tizimida ayrim xastaliklar to‘g‘risida ma’lumotlar bilan ta’minlash.
  

Mazkur yo‘riqnoma xodimlar va aholi kontingentlari orasida kasb kasalliklarini tekshirish,qayd qilish va hisobga olish tartibini belgilab beradi.Butun O‘zbekiston hududida kasb kasalliklari hodisalari maxsus hisobga olinadi va tekshiriladi,bu xastaliklar ro‘yxati O‘zbekiston Respublikasi Sog‘liqni saqlash vazirligining2000 yil 6 iyundagi 300–sonli buyrug‘i bilan belgilanadi.