Amaliy audit

4. Mavzu bo’yicha masalalar 
4.1 masala. 
“Almaz” MChJ moliyaviy hisoboti auditi davomida quyidagilar aniqlandi: audit 
qilinayotgan davrda, ya’ni 30.04.2013 yilda muddati 12 oy bo’lgan, miqdori 12000000 so’mlik 
kredit olish bo’yicha 1 – sonli shartnoma tuzilgan. 
Kreditni ta’minlash sifatida 03.04.2013 yilda rasmiylashtirilgan №3-garov shartnomasi (asosiy 
vositalar) va 4– sonli (bank vekseli) bo’yicha mulk garovga qo’yiladi. 3- sonli shartnoma bo’yicha 
garov qiymati 16000000 so’mni tashkil etadi. “Almaz” MChJ 1– sonli kredit shartnomasiga ko’ra 
garov mulkini mulk shartnomasiga ko’ra garov qiymatidan kam bo’lmagan summada sug’urtalash 
majburiyatini oladi. “Almaz” MChJ 30.04.2013 yilda rasmiylashtirilgan 5009– sonli raqamli mulk 
sug’urtasi shartnomasini va 5009– sonli raqamli sug’urta polisini taqdim etdi. Sug’urta 
shartnomasining amal qilish muddati 12 yil. Sug’urta summasi – 16000000 so’m, sug’urta mukofoti 
24000 so’mni tashkil etadi. 4– sonli garov shartnomasi bo’yicha 2000000 so’m miqdorda bank 
krediti berilgan. 
Tekshirishda aniqlandiki kreditni to’lash kredit shartnomasi grafigiga mos ravishda amalga 
oshirilmoqda. 009 – “Majburiyatlar va to’lovlarning ta’minoti - berilgan” balansdan tashqari 
schyotida garov mulk 20000000 so’m deb hisoblanadi va uning qoldiq qiymati 3 – sonli garov 

---

589 
shartnomasi tuzilgan sanaga mos keladi. 009 schyot krediti bo’yicha 3 – sonli garov 
shartnomasidagi mulk qiymati hamda 008 – “Majburiyatlar va to’lovlarning ta’minoti - olingan” 
balansdan tashqari schyotida 10000000 so’m hisobdan chiqarilgan. 2013 yil uchun hisob obyektlari 
yo’q. 3190 – “Kelgusi davrning boshqa xarajatlari” schyoti bo’yicha 31.12.2013 yilga sug’urta 
mukofoti summasi 24000 so’mni tashkil etdi. 
5820 – “Berilgan qisqa muddatli qarzlar” schyotida 2000000 so’mlik bank krediti hisobga 
olinmagan. 5110-“Hisob-kitob” schyoti tarkibiga ushbu bank krediti bo’yicha ma’lumotlar 
aniqlanmadi.