Амалий машғулотнинг номи ва қисқача мазмуни Дарс соатлари хажми

Назорат саволлари:

1. 
   Бино ва иншоотларга салбий таъсир этувчи омиллар қандай гуруҳларга ажратилади?
   
2. 
   Конструкция ва материалларни завод шароитида тайёрлаш, ташиш ва уларни сақлаш шароитида юзага келадиган салбий таъсирлар қайси гуруҳ омилларига мансуб?
   
3. 
   Ўрта Осиё минтақаси учун қайси таъсирлар қурилиш конструкциялари учун салбий таъсир кўрсатувчи омилларининг асосийси ҳисобланади?
   

Фойдаланилган адабиётлар:
1. Бойко М.Д. Диагностика повреждений и методы восстановления эксплуатационных качеств зданий. -Л.: Стройиздат, 1975.
2. Калинин В.М., Сокова С.Д. Оценка технического состояния зданий: Учебник. -М.: ИНФРА-М, 2006.


7-Мавзу: Бетон ва темирбетон конструкцияларидаги дефектлар, шикастланиш ва деформация ҳолатларини аниқлаш
Режа:
7.1. Бино ва иншоот конструкцияларининг емирилиши.
7.2. Бетон ва темирбетон конструкцияларнинг коррозияланиши.
7.3. Коррозияланишнинг турлари.


Таянч сўз ва иборалар: емирилиш, бетон, темирбетон, коррозия
Бино ва иншоотларнинг конструкциялари бетондан, темирбетондан ва тош-ғиштдан қурилади. Уларни емирилиш ва бузилишдан сақлаш бино ва иншоотларни умрбоқийлигини узайтиришда ҳамда зарурий эксплуатацион талаблар даражасида сақлаш муҳим амалий аҳамиятга эгадир.
Тузилиши жиҳатидан табиий ва сунъий тош-ғишт материаллари бетонга яқин, уларнинг асосини боғловчи ва тўлдирувчи ташкил этади. Тош-ғишт қурилиш ашёлари тузилиши жиҳатидан авваломбор, ғоваклигининг катталиги билан металлдан фарқланади. Ғоваклик даражаси бетонда 10-15%, оҳактошда 15-30%, сопол буюмларда 5-35%. Бу уларнинг сувни сизиши, намликни ютиш ёки конденсациялаш, конструкцияга агрессив эритмаларнинг ютилишига имкон беради.
Демак, материалнинг ғоваклиги қанча катта ва унинг таркиби қанчалик кўп ташкил этувчилардан иборат бўлса, унинг агрессив муҳитга бардошлилиги шунчалик кам бўлади.
Бетоннинг мустаҳкамлиги назарий жиҳатдан вақт ўтиши билан ошиб боради. Бироқ, цементнинг гидратация жараёнида фақатгина бетоннинг намлиги 70-90% ва ҳарорат 10-30 даража бўлгандагина агрессив бўлмаган сув таъсирида бетон мустаҳкамлигининг ошиб боришига имкон яратилади.