Амалиёт бўйича ҳимоя балли: Сана: 2019й

Мулкларни бошқариш хизмати. Бўлим биржанинг маиший, хўжалик ишларини олиб бориш ва транспорт билан таъминлаш, хизмат хоналарни санитар ва ёнғинга қарши ҳолатларини тегишли талабларда сақлаш, биржанинг балансида бўлган бино ва қурилишларини ҳолатини назорат қилиш бўйича тадбирларни ўтказиш билан шуғулланади.

Ички харид бўлими. Бўлим биржанинг таркибий бўлимларини керакли материаллар ва мулк билан таъминлаш, уларни моддий-техник таъминлаш масалаларини бошқариш ва назорат қилиш, товар (иш, хизмат)ларни харид қилишни ташкил этиш бўйича янги усулларни жорий этиш билан шуғулланади.
Бўлимлардан ташқари Биржада қуйидаги доимий комиссиялар фаолият олиб боради:

Листинг комиссияси. Листинг комиссияси товарларни биржа савдоларига қўйилиши учун рухсат бериш ва уларни биржа котировка лист (листинг)га қўшиш ёки чиқариш (делистинг), ҳамда қайта киритиш (релистинг) қарорларини қабул қилади.

Комиссияга товарни биржа котировка листига қўшиш тўғрисида ариза 7 иш куни давомида кўриб чиқилади.
Товарни ишлаб чиқарувчининг аризаси келиб тушганидан сўнг унинг биржа бюллетенига киритилиш масаласи уч иш кунидан кечкиртирилмасдан кўриб чиқилади. Комиссия қарорлари очиқ овоз бериш ва унда иштирок этаётган аъзоларнинг кўпчилик овози билан қабул қилинади. Листинг комиссияси улар ва биржа мижозлари ўртасида келиб чиқаётган мунозараларни арбитраж комиссиясига топшириш ҳуқуқига эга.
Листинг комиссияси ҳар кварталда ЎзРТХБ Бошқармасига ўз фаолияти ҳақида маълумот беради.Комиссия таркиби "ЎзРТХБ" АЖ Бошқаруви томондан тасдиқланади.

Арбитраж комиссияси. Арбитраж комиссиясининг асосий вазифалари бу ўз ваколати доирасида биржа мунозараларини объектив, тезкор ва тўғри ҳал этиш ҳисобланади.Биржа, кўргазма-ярмарка савдоларининг иштирокчилари ва уларнинг мижозлари пайдо бўлаётган мунозараларни ҳал этиш мақсадида комиссияга мурожаат қилиш ҳуқуқига эгадирлар.

Биржа ва кўргазма-ярмарка савдоларнинг битимларини бажаришга оид мунозаралар пайдо бўлган ҳолатларда жарима санкцияларини қўллаш тўғрисидаги ариза етказиб бериш муддати якунланган пайтидан бошлаб уч иш кунидан кечиктирилмасдан арбитраж комиссиясига топширилади.
Аризалар мижоз ёки биржа аъзолари шахсий кабинетлари орқали комиссиянинг махсус - arbitraj манзилига жўнатилади.