Амалиёт бўйича ҳимоя балли: Сана: 2019й

1. “Ўзбекистон Республика товар-хом ашё биржаси ”Акциядорлик жамиятининг ташкилий-таркибий, ташкилий-иқтисодий тавсифи

“Ўзбекистон Республика товар-хом ашё биржаси” акциядорлик жамияти 1994 йили апрель ойида Адлия вазирлиги томонидан рўйхатдан ўтказилган ва ҳозирги кунда Марказий Осиёдаги энг йирик савдо майдончаси, ҳамда МДҲ мамлакатлари ичида изчил ривожланаётган хом ашё биржаси ҳисобланади.

Ўзбекистон Республикасининг 2014 йил 12 сентябрдаги “Биржалар ва биржа фаолитияти тўғрисида” ги қонунига мувофиқ“Биржа - олдиндан белгиланган жой ва муайян вақтда, белгиланган қоидалар асосида биржа савдоларини ташкил этувчи юридик шахс. Биржалар фақат акциядорлик жамиятлари шаклида ташкил этилади. Биржалар ўз фаолиятини товар-хом ашё, фонд ва валюта биржаси турида амалга оширади”.
Биржа фаолияти мақсади ўрнатилган қоидалар асосида олдиндан маълум бўлган жойда ва вақтда, очиқ савдоларни ташкил қилиш ва ўтказиш йўли билан биржа товарлари билан савдо қилишга зарурий шароитларни яратишдир. Биржа савдоларини ташкил қилиш ва аниқланган ҳақиқий талаб ва таклиф нисбати асосида биржа товарлари нархларини шакллантириш йўли билан биржа товарлар бозорини яратишдир.
Ўзбекистон Республика товар-хом ашё биржаси акциядорлик жамияти ўз фаолиятини Ўзбекистон Республикасининг 2014 йил 12 сентябрдаги “Биржалар ва биржа фаолитияти тўғрисида” ги қонуни ҳамда Ўзбекистон Республика товар-хом ашё биржаси акциядорлик жамияти акциядорларининг 2019 йил 24 майдаги йиллик умумий йиғилиши қарори билан тасдиқланган “Ўзбекистон Республика товар-хом ашё биржаси акциядорлик жамияти устави (янги таҳрири)” асосида амалга оширади.
“Ўзбекистон республикаси товар-хом ашё биржаси” акциядорлик жамияти (кейинги уринларда - Биржа деб юритилади) Ўзбекистон Республикасининг «Биржалар ва биржа фаолияти тугрисида»ги қонунига мувофиқ таъсисчилар йиғилишининг 1994 йил 2 апрелдаги қарори билан тасдиқланган “Таъсис шартномаси”га мувофик ташкил топган.
Биржанинг тўлиқ расмий номи: ўзбек тилида (лотин алифбосида) –“O'zbekiston respublika tovar - хош ashyo birjasi” aksiyadorlik jamiyati; ўзбек тилида (кирилл алифбосида) – “Ўзбекистон республика товар-хомашё биржаси” акциядорлик жамияти; рус тилида - Акционерное общество «Узбекская республиканская товарно - сырьевая биржа»; инглиз тилида - Joint - Stock Company «UZBEK COMMODITY EXCHANGE».
Биржанинг қискартирилган расмий номи: ўзбек тилида (лотин алифбосида) –“O'zRTXB” AJ; ўзбек тилида (кирилл алифбосида) –“ЎзРТХБ” АЖ; рус тилида - АО “УзРТСБ”; инглиз тилида - JSC UZEX.

Биржа 1994 йилнинг 8 апрелида Тошкент шаҳри Яккасарой туманидаги Давлат хизматлари марказида 10-рақам билан давлат рўйхатидан ўтган ва бу хусусда гувоҳнома олган (1-расм).