Alisher navoiy nomidagi o‘zbek tili va adabiyot universiteti o`zbek tili va adabiyotini o‘qitish fakulteti

 Niyatullo Nasimiy
taxallusi bilan ijodiy mashqlarini e’lon 
qilayotgan yosh qalamkash bitiklarida ona yurt va qadrdon yurtdoshlarini 
ardoqlash mavzusi yetakchilik qiladi. Shunga qaramasdan, bunday she’rlar 
ko‘tarinki pafos va shiorbop ta’kidlardan xoli emas: 
Xalqim orin tutib qo‘limda, 
Tinchlik hissin tuyib dilimda. 
O‘zbek nomi tushmay tilimdan, 
Vatanimga xizmat qilaman. 
Shubhasiz, shoir sevgi va muhabbat temasini ham chetlab o‘tolmaydi. U 
sog‘inch va hijron kabi noxushliklar misoli tush kabi unut bo‘lishi, erta- indin baxt 
ostonada kulib qarshilashiga ishonadi:
 
Ko‘zim yumgim kelar har safar, 
Noxushlikka qolsam o‘ralib. 
Qayg‘u so‘zim yozilgan daftar, 
Tushda baxtga qolsin aylanib. 
 
Muhabbatsiz orttirgan tonglar, 
Armonlar ham ketsinlar nari... 
Dil hijronda yutadi qonlar, 
Tushlarimga aylansin bari.

---

20 
Muhimi, shoir moddiy dunyoning barcha g‘am hamda tashvishlari misoli 
tushday unut bo‘lishi, olam yasharishi, oqlik va poklikka burkanishini tilaydi. 
Rasul Ro‘ziev
ning ash’orlarida Ona ardog‘i yorqin ko‘zga tashlanadi: 
Qalbimni hijronlar kemirib yotar, 
Jonimda armonlar semirib yotar, 
Alamlar qonimni kemirib yotar... 
kabi e’tiroflar zamirida farzandning ulkan qarzdorlik hissi namoyon bo‘lgan. 
Zotan, she’rga milliy ruh bag‘ishlagan bosh omil ham, o‘zini butkul unutib, oilasi 
va farzandlariga baxshida eta olgan o‘zbek ayolini ardoqlash, vaqtida anglanmagan 
fidokorlik tug‘dirgan samimiy tuyg‘ular izhoridir.
Tegramda aylanib o‘tmoqda yillar, 
 
Sen boshqa, 
Men boshqa, 
U boshqa dunyo... 
singari she’rlardan anglashiladiki, R.Ro‘ziev yoshi ulg‘aygan sari atrofga tiyran 
nigoh bilan boqishga intilayotgan, istiqbolidan umid qilish mumkin bo‘lgan yosh 
shoirdir.