Alijonova durdona farhodjon qizi

Bob bo‘yicha xulosalar

1. Terminlar ilmiylikning bosh mezoni sifatida talqin qilinadi. O‘zbek ilmiy terminologiyasi shakllanishi va rivojlanishi mustaqillikdan so‘ng yangicha tus oldi. Marketing alohida yo‘nalish, soha. Demak, uning til xususiyatlari ham boshqa sohalardan farqli. Marketing terminologiyasi alohida mustaqil terminosistema. Uning o‘z xususiyatlari mavjud. Uning elementi esa marketing terminidir. Marketing terminologiyasi bank-moliya, internet, iqtisod sohalari bilan yondosh. Shuning uchun ular tarkibidagi terminlar almashinish xususiyatiga ega.

2. Terminologiyada qayd etilgan har qanday nazariya uning tarkibidagi barcha terminologik sohalarga taalluqliligi bilan muhimdir. Marketing terminlarini yanada chuqurroq tadqiq etish tufayli transtermin – sohalararo ko‘chib yuruvchi terminlar, determinlar – umumleksik qatlamdan terminologiyaga olib kirilgan terminlar, reterminlar esa terminlik xususiyatini yo‘qotib, umumleksika tarkibidan joy olgan birliklar mavjud.

3. Marketing terminologiyasining lisoniy takomili sohaga oid ishlar bilan belgilanadi. O‘zbek tilining besh jildli izohli lug‘ati, O‘zbekiston Milliy ensiklopediyasi, Marketing terminlari izohli lug‘atlaridan foydalangan holda marketing terminiga quyidagicha ta’rifni keltirish mumkin: marketing – bozorni oldindan tadqiq etish, o‘rganish kabi masalalar bilan shug‘ullanuvchi soha.

4. Marketing terminlari tarkibida sof o‘zbekcha terminlarga qaraganda xalqaro terminlar miqdoran ko‘p. Ta’kidlash joizki, yasama terminlarning yasovchi vositalari ham xalqaro terminelementlar asosida hosil qilingan: biznesmen (-man), alloniya (-iya), sortament (-ment), marketolog (-olog) kabilar.

5. Marketing terminlari tuzilishiga ko‘ra sodda: sodda tub hamda yasama, shunindek, qo‘shma va birikmali terminlardan iborat. Birikmali terminlar murakkab terminlar deb ham yuritiladi. Marketing terminologiyasida ikki, uch, to‘rt hamda besh tarkibli terminlar mavjud.