Alijonova durdona farhodjon qizi

UMUMIY XULOSALAR 75

FOYDALANILGAN ADABIYOTLAR 77
KIRISH

Tadqiqot mavzusining dolzarbligi. XX asr o‘rtalaridan boshlab sohalar terminologiyasini tadqiq etish jarayonlari vujudga keldi. Jahon va o‘zbek tilshunosligida ham sohalar terminologiyasi tadqiqot ko‘lamining kengligi va mavzu qamrovi bilan farqlanib turadi. Bugunning umumilmiy masalalaridan biri ham terminologik tizimlarni tadqiq qilishdir. Natijada esa terminologik sistemalarni o‘rganish zarurati davr uchun aynanlikni vujudga keltirmoqda. Fan-texnologiya rivoji, axborotlar oqimi insoniyatni tubdan o‘zgartirib, turli sohalar bilan birga ularning til xususiyatlariga ham yaqinlashtirmoqda.

Hozirda mavjud 500 ga yaqin yangi sohalardan biri – bu marketingdir. Marketing sohasi zamon bilan hamnafas bo‘lgan, barcha jabhalarni qisqa fursatda qamrab olishga ulgurganligi bilan muhim. Shuning uchun ham davlat siyosatida «O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida»gi Farmonda: “...mamlakatimiz ijtimoiy hayotining barcha sohalarida, jumladan, davlat boshqaruvi, zamonaviy va innovatsion texnologiyalar, sanoat, bank-moliya tizimi, huquqshunoslik, diplomatiya, harbiy ish, tibbiyot va boshqa sohalarda davlat tilining imkoniyatlaridan to‘liq va to‘g‘ri foydalanishga erishish”¹ muhim vazifalar qatorida ta’kidlangan. Shuningdek, muhtaram Prezidentimizning ushbu nutqida: “Globallashuv sharoitida milliy tilimizning sofligini saqlash, uning lug‘at boyligini oshirish, turli sohalarda zamonaviy atamalarning o‘zbekcha muqobilini yaratish, ularning bir xil qo‘llanilishini ta’minlash dolzarb vazifa” ekanligi aytilib, muammoning yechimi sifatida: “yangi so‘z va atamalarni iste’molga kiritish borasidagi ishlarni tartibga soladigan Atamalar komissiyasini tuzish”² nazarda tutildi. 2017-yil 7-fevraldagi PF-4947-sonli «O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida»gi, 2019-yil 21-oktabrdagi PF-58-50 sonli «O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida»gi farmonlarida o‘z aksini topmoqda. Ushbu masalalar yuzasidan ham mavzuning dolzarbligi muhim ahamiyat kasb etadi.