Aldanganlar guruhi

Jondan ortiq sevib, tark etilganlar buni yaxshi biladi.

Tangrim, bizga qalbimizga munosibini sevdir!

Shunday insonlarni ko'rdim, xiyonatga uchraganidan keyin о zini qayta tiklay olmay hayotini zaharga aylantirgan. Shunday insonlarni ko'rdim, xiyonatga uchraganidan keyin bundan xulosa chiqarib, hayotini tubdan ijobiy tomonga o'zgartirgan.

Ehtimol, ko'ngil qo'ygan insoning tomonidan xiyonatga uchrab, yolg'iz qolgandirsan. Davrimizning insonlari buni boshdan kechirishi odatiy tusga aylangan. Chunki hozirgi insonlar xiyonat qilishni, tashlab ketishni va aziyat yetkazishni o'zlariga odat qilib olishgan. Ro'paralaridan kim chiqsa, hayotlariga kim kirsa, ularda o'z "hobbf’larini sinab ko'rishdan tortinmaydi. Ushbu achchiq haqiqatdan xabar topganingda seni aldagan bir nomardni deb hayotingni zaharga aylantirma. Ehtimol, sen xiyonatga munosib bo'lmagandirsan, ammo shu haqiqatni yodingdan chiqarma: sen aldanmading. Aslida, u seni aldadim deb o'ylab, o'zini aldadi! Endi aslo sendek beg'araz sevadigan insonni topa olmaydi. Hali bu qilgan ishi uchun keyinchalik pushaymon bo ladi, ammo u payti g'isht allaqachon qolipidan ko'chgan bo ladi.

Bu hayotda hamma o'ziga yarashgan ishni qiladi. Seni uni beg'araz va beg'araz sevib, o'zingga yarashadigan ishni qilding.

U ham o'zini shu qadar sevib, ardoqlagan insonga xiyonat qilgancha, o'zini pastga urib, o'ziga yarashadigan ishni qildi. Agar u o'ziga shu nomardlikni ep ko'rgan bo'lsa, sening qo'lingdan hech narsa kelmaydi. Sen chekingga tushganini ado qildingmi? Sevgingni unga ko'rsatdingmi? Harakat qildingmi? Unday bo'lsa ko'nglingni xotirjam qil. Senga xiyonat qilgancha bu azobni boshinga solgan inson uxlash uchun boshini yostiqqa qo'ygan har bir tunida tinch uyquga ketolmaydi. Sening uvoling har kuni uning qulog'iga shivirlaydi. Vijdoni uyg'ona boshlaydi. O'lgudek pushaymon bo'lib, ortga qaytishni xohlaydi-yu, ammo qaytolmaydi. Bu pushaymonlik unga har nafasida azob beradi.