Aldanganlar guruhi

Aldanganlar guruhi

Aldangan insonlarning yuragida ko'tarib yuradigan dardlarini yaxshi bilaman. Hattoki, juda yaxshi bilaman. Ushbu dardga qarindoshlik rishtalari qadar yaqinman. Bir insonning aldanishi faqatgina boshqasiga almashtirilishi yoki o'rniga boshqasi qo'yilishi degani emas. Sevgan insonga berilgan so'zning ustidan chiqmaslik ham aldashning bir ko'rinishidir. Aldashning va aldanishning ham bir qancha ko'chasi mavjud. Men o'sha ko'chalarning borsa kelmasiga kirgan va u yerdan soppa-sog' chiqqan bir insonman.

Insonlar menga "Sen hali juda yosh bo'lsang, bunchalik dard-alamni qachon ko'rib ulgurding?" degan tushuncha bilan qarashadi. Hammamiz ham odam bolalarimiz. Ahamiyatga olmaslik bizning fitratimizda bor, buni tushunaman. Ammo sizga bir tavsiya: hech kimning dardini zinhor kichik sanamang. Kun kelib, o'sha kichik sanagan dardingizni burningizning tagida ko'rib, keyin nola qilasiz.

Yaxshisi mavzuni burmaylik, aldanmoq dedik... To'g'ri, aldangan inson qayerga bormasin o'sha yuragida ко tarib yurgan qaynoq va top-toza og'rig'i bor-ku, ha, ha, aynan osha og'riq... Bu og'riqni totganingiz bormi? Shu ham savol bo'ldi-yu, albatta, bor. Yo'qsa, aldanmagan inson qolibdimi oramizda?

Aldandik biz, al-dan-dik! Qo'limizda, hovuchimizda nima bo Isa berdik, lekin aldandik. O'zimiz yarim bo'lgan a, yarim qolganlarni to'ldirdik, baribir aldandik. Biz yana har doimgidek yarim qolganlar rolini o'ynadik va hech kirn tomonidan to'ldirilmadik. Bunga muhtoj ham emasdik. Chunki yarim qolishga ham odatlangandik.

Niyatimiz toza edi - hamisha yoningdaman, deganlarga aldandik. Ming shukrki, aldagan tomon aslo biz bo'lmadik. Chunki aldanishdan ortib unga fursat topmadik. Biroq topganimizda ham biz birovni zinhor alday olmasdik. Chunki biz moychechak misol zarif qalbli insonlar edik. Agar aldaganimizda moychechaklarning yoniga sira yarashmasdik.