Aldanganlar guruhi

Bir nafardan ko'proq insonga ega bo'lish uchim qilayotgan harakatingizni ko'rgan kunimdan beri hech qaysingizga ishonchim qolmadi...

Hojati yo'q

Endi kelishingga hojat yo'q. Chunki bir vaqtlar borliginga o'rganib, sensiz yasholmayman deb o'ylaganim kabi, yonimda yo'qligingda sensizlikka ham o'rgandim. Bilasanmi, hattoki hayotimning qolgan yarmini sensiz ham bemalol yashay olishim mumkinligini tasawur qilyapman. Azalda sen bilan birga yurgan ko'chalarimizda yolg'iz o'zim ham yura olyapman. Endi kelma. Ehtimol seni sog'inarman, ammo baribir kelma. Chunki endi kelishingga hojat yo'q. Chunki men endi sensiz ham kuchliman. Birga tomosha qilishni xohlagan filmlarimizni yolg'iz o'zim tomosha qildim. Birga tinglamoqchi bo'lgan musiqalarimizni yolg'iz o'zim tingladim. Birga mutolaa qilishimiz kerak bo'lgan kitoblardagi go'zal jumlalarning ostini yolg'iz o'zim chizdim. Birga ichishimiz kerak bo'lgan qahvalarni bir o'zim ichdim. Sen bilan birga bo'lishimiz kerak bo'lgan joylarda doimo yolg'iz edim. Sensiz edim. Ammo shu muddat ichida bir narsani payqadim. Men sensiz ham o'z-o'zim bilan baxtli bo'la oldim. Sensiz ham o'zimni seva oldim. Men seni sevaman, deb o'zimni yo'qotgan ekanman. Bundan keyin ortingga qaytma. Chunki buning ikkimizga ham foydasi yo'q. Agar shuncha vaqt o'tib qaytadigan bo'lsang qalbimga va hislarimga zarar yetkazasan. Chunki biz kelajak uchun kech qoldik...